Biible la’té Mékréeté pé mbaŋa ménti mémbʉa pié po fa’ méfa’ tsaa tchou’té. Pakuié Ntang Jéova toŋo wôb ngié: «mélhié» ngʉo «pakuiété mélhié.» (Filipo 1:1) Pô waa ngouô tsaa yèe yèe nda tchou’té wôô ta na’a ngiôôn. Pakuiété mélhié gouôg mèe méfa’ ndôg nkuiété wégé?

Pô kuiété mélhié. Pakuiété mélhié tʉté na chʉo wé zuigé, ngouôgô fa’ yôb mboŋo, mbing ngôôn no ntʉôgô kwo moo. Pétsô na pôb ée ngouachoum, pétso wô mélʉo. Pô kuiété na tsô méfa’ mié ée nda tchou’té ngouô tʉnzuing. Mèe méfa’ lié choum poŋo ntʉm sié mé na, mboo nti lôg ntangté choum. Ayèe ping nkuiété mélhié lé tchouŋo ngouôgô fa’ ngaŋa pfélé, mbing ntchouŋo nzi’i no Ssé nda tchou’té.

Pô fa’ méfa’ mié é kuiété. Mé tʉôg tsô pakuiété mélhié lé thié ntchwonda tchou’té nkuié pʉa. Pétso lié no na sonorizasiông, ésang nkab yié mé néŋée tsaa tétô’, mbing nna méŋwa’né mbwo pʉa tsaa tchou’té. Mé ying ntʉôg pétsô ngié pô na méjʉ’ mié mé gé tsui nkʉ Ssé wo. Pô ying ntoonté tuiè nda tchou’té. Ngouô mélhié ying ngôôn ngié pô kuiété mélʉo pié ée nda tchou’té. Pakuiété mélhié gwiée pô yèe fa’ wôô, nkoua’ ngouôg mboŋo, a gʉo maagning ntsém na mékou’ mbwo pôb.—1 Timoté 3:13.

Pô gniè fʉ’ mboŋo mbwo Mékréeté. Mé waa tsô’ô gning lôg gʉo nkuiété mélhié, ngia po nti yié a lôg ngwiée méma mié Ssé koung. Pakuiété mélhié na métwo chouŋo nda tchou’té ndôg ntʉté zuiŋé ntʉm yégé. Pô zéŋé nnè na léchouŋo no Ssé, a tsoté wégé lé fʉ’ʉ wôb. Léwô yié paa mélhié gouôgô fa’ lé ta’ ntchwo la, a gʉo ntémté pô lékag kui’i tsaa tchou’té. (Éféso 4:16) Ngouô tam gʉo ntôg, pô gwiée yôb méma mié é né nzèté ta ntchʉ’ yôb mélhié.

• Pakuiété mélhié ée pʉa pié ée lékô?

• Po gʉo sèe choum ndôg nkuiété tchou’té lé ying mboŋo?