Syap-Syap Yunani Kristen dap Barnabas ma manwawan Paulus ḇe pengawas keliling rya fa myam sidang-sidang na ro abad randak ya. Rosai ḇefnai ya? Snaro sumam kaku fandandun ro naek srar suḇe sine. Paulus ikofen imarisen ’kyaḇer faro naek srar ḇyesi’ insa myam rariso kankenem sena. Imarisen Imbran binggwan kilometer riutin fa syambraḇser si. (Farfyar 15:36) Pengawas nggoḇesi ro baboine simarisen sifrur rarirya kako.

Srama ḇe inggo fa sḇuk wos ḇeḇuk samambraḇ. Pengawas nggoḇesya simarisen fa srama smam sidang ri 20, ma sisya kayam kuker naek sya minggu oser ro sidang swaf taun oser. Bisa nggosmai pengalaman nabor ro pengawas wilayah ma siswasi fyor sfarḇuk kwar. Fandun fa smambir naek srar sesya ro sidang ya, ḇesinan ma ḇebabo simarisen sifararur kayam kuker inggo ro ḇaḇeḇaryas ma farkarkor Refo. Pengawas sine sifararur kayam kuker penatua sya. Ma, sḇuk wos ḇeyun samambraḇ ḇe nggo, sḇuk faya ro fananjur ari na ma kebaktian ḇeba na kako.​—Farfyar 15:35.

Sfasnai kaku smam pyum sidang ya. Pengawas sine smam mnis kerohanian ro naek srar sya. Inja nari skain kayam kuker penatua, hamba pelayanan fa smam kaḇer kemajuan ro sidang ani ma sḇuk akurfasnai ḇesrow insa penatua sine simbran fakamaman sena kuker mnis. Sifnoḇek perintis sya insa sismai bon ḇepyum ro fararmyan sena. Si kako simarisen smambir snonggaku ḇefarkor babo sya ma simarisen srower fafyar sena. Naek ansine kuker sne ḇemarisen sisewar fa sḇe ’min ḇefnoḇek nggo’. (2 Korintus 8:23) Kakyar ma kenem ḇepyum fasnai ro kenem sena ḇe Allah fandun fa kakfrur rarirya.​—Ibrani 13:7.

• Fandun sai ḇefrur fa pengawas sya srama ḇe sidang-sidang na?

• Fainda sai bisa Wasmai ro rarama sena?