Moʼkaron Krais wekenanamon poko Greek euran ta mieroʼmaʼpo Opoto Papa Karetarï ta, apïmiemboto Barnabas maro Paul poko ekarichïʼmaʼpo ma. Wïtopoʼtonon onenamonme eíʼmiasan moʼkaron, yoseʼnanoʼtoʼkonʼwa Jehoba poʼchorïkon etawa chopotïʼmasan. Oʼtonoʼme joke moro paʼme tïweiye nandon? Choʼpo kombaijo juʼpïa Opoto Papaʼwa tïweijïkon ta ichoseinie tïweiye mandon. Neiara pore moʼkaron tïwatonon Jehobaʼwanokon weijï enetoʼme, tïweramase eropa iʼyainie Paul tïwosekarishe ma. Tïweíshe tïweijï ta senge watï eneinie tïtopotïʼma ma pioriʼchomatoʼkonʼme tïʼwa. (Acts 15:36) Moro paʼme roropa eromenokon wïtopoʼtonon onenamon mandon.

Kapokumatoʼkonʼme koneinie kïnosaton. Amu wïtopoʼtoto onenen 20 paʼme tïwatonon Jehobaʼwanokon woseʼnanoʼtoʼkon etawa kïnïsan, òʼwin sundaka paʼme miaroinie ma okomboto òʼwin siricho ta. Moan ro wïtopoʼtonon onenamon weinio niemban kïtòmepatomba, piïangon weinio eropa, tïpïke aʼtainie. Tïwatonon Jehobaʼwanokon uputïʼmase juʼpïa mandon, koromonokon, tambarakon eropa. Kïmaroinie wòrupïa tïtorïkon choʼpo apokurukonme ma, Opoto Papa Karetarï poko kïnemeparïkon emeparïʼwa eropa. Moan wïtopoʼtonon onenamon tïnetawarïkon onenamon maro tïwatonon Jehobaʼwanokon etawa kïnïsaton pianaʼtomatoʼkonʼme tïʼwainie. Apokumato weʼchonon ourananokon ekarishaton kïwoseʼnanoʼtoʼkon po, opotonon woseʼnanoʼnokon po eropa kïpïanaʼtomatoʼkonʼme.​—Acts 15:35.

Ijomboro kïponainie tuwaro mandon. Moʼkaron wïtopoʼtonon onenamon choʼpo tuwaro mandon juʼpïa Opoto Papaʼwa kïweijïkon ta kïtorïkon poko. Moʼkaron tïnetawarïkon onenamon maro, epatongon maro eropa kïnosepoaton neiara pore moʼkaron nienerïkon weijï upuʼtoʼme tïʼwainie, emepatoʼkonʼme eropa juʼpïa nekatu tomaminjon arorï poko iʼyainie. Moʼkaron tïaʼroro wòrupïano emaminʼya òtïrïʼmasamba epatomaton juʼpïa nekatu tïwòrupïarïkon emamin arotoʼme iʼyainie. Moʼkaron sherïme wòmepatonon uputïrï apokurukonme ma, neiara juʼpïa yòmeparïkon etarï eropa tïʼwainie. Paʼpororo moan wïtopoʼtonon onenamon juʼpïa kopatomaton kïwòrupïarïkon poko ‹komaminiarïkon akonokonme.› (2 Corinthians 8:23) Opoto Papa ta yotamïʼcharïkon paʼme kïseshen, tïaʼroro iʼya yeijïkon paʼme eropa.​—Hebrews 13:7.

• Oʼtonoʼme moʼkaron wïtopoʼtonon onenamon wòmepa woseʼnanoʼtonon etawaton?

• Neiara owepatomano iʼyainie otawano?