Yuusa chichame Túramu [Hechos] papiinium Bernabé, Páblojai najánawarmiania nuna áujmateawai. Niinkia yaunchuk Kristu aentsun wekatusar iin ármiayi. Pábloka ni yachín, ni umaín, nekás enentaijiai anena asa “urukák pujuinia” tusa ti aránt pujuíniancha wekatús ikiakaíniuyayi (Túramu [Hechos] 15:36). Yamaisha aintsank, Testigos de Jehová irúntramurin wekasar iíkratin íruneawai.

Ikiakákratin áiniawai. Testigos de Jehová irúntairin wekatusar iiniak, 7 tsawánt pujú áiniawai. Nuyá 6 meses nankaámasmatai ataksha wakétruki iin áiniawai. Ataksha taar ti pénkeran jintintramin áiniaji. Tura ni pénker túrutairi iisár, iisha núnisar túramniaitji. Antsu nuátkaitkiuinkia ni nuarí najántairisha iisár unuimiátramniaitji. Wekás iíkratniuka ni yachín, ni umaín, chikíchkimias nekaátasa wakériniaiti. Niinkia chikich uunt tsamakú anáikiamujai ni yachí jeen werí Yuusa chichamen aujtus ikiakaíniaiti. Núnisank, Testigos de Jehová irúntairin tura untsurí tuakmánumsha ti pénker jintínkratniuiti (Túramu [Hechos] 15:35).

Ni yachín, ni umaín, Yuusan umirkí wéarat tusar yayaín áiniawai. Uunt tsamakú anáiramun tura yaimin anáiramuncha irúr, warí pénkeran najánawaruit tura itiurá nuú pénkeran najánawarminiait nuna áujmatniuiti. Tura precursor ainian itiúr pénker etsérkartiniait nuna jintínniuiti. Nuyasha chikich aents irúntainiam yama kaunainian Jehován umírkarat tusa ikiakaíniaiti. Yuús Papiinium tana aintsank, ‘iincha yainmáktajtsar’ wekasar iíkratniuka ti takákmainiawai (2 Kurintiunam 8:23). Tuma asamtai Yuús Papií tawai: “Yus-Chichaman jintintramawarmia nu enentáimtustarum. Yúsan shiir enentáimtuiniak péṉker wekasarmia núnisrumek atumsha túratarum” (Israernum [Hebreos] 13:7).

• Wekás iíkratin ni yachín, ni umaín, itiúr yayainia?

• Wekás iíkratin tátiniaitkiui warí itiúrkatniuitiam?