17-ساباق
اۋداندىق باقىلاۋشىلار بىزگە قالاي كومەك كورسەتەدى؟
مالاۆي
ۋاعىزداۋ توبى
ۋاعىزداۋ قىزمەتى
اقساقالداردىڭ كەزدەسۋى
گرەك جازبالارىندا بارنابا مەن ەلشى پاۋىل جايلى ٴجيى ٴسوز ەتىلەدى. ولار العاش پايدا بولعان قاۋىمدارعا بارىپ، ارالاۋشى باقىلاۋشىلار رەتىندە قىزمەت ەتكەن. نە سەبەپتى؟ ولار رۋحاني باۋىرلاستارى ٷشىن شىن جۇرەكتەن قام جەگەن. پاۋىل قاۋىمدارعا «قايتا سوعىپ، سونداعى باۋىرلاستاردىڭ جاعدايىن بىلگىسى» كەلەتىنىن ايتقان. باۋىرلاستاردى جىگەرلەندىرۋ ٷشىن ول جۇزدەگەن شاقىرىم جەردى ٴجۇرىپ وتۋگە دايىن بولعان (ەلشىلەردىڭ ىستەرى 15:36). بۇگىنگى تاڭداعى ارالاۋشى باقىلاۋشىلار دا باۋىرلاستارىن كورۋگە ٴدال وسىنداي ىستىق ىقىلاس تانىتادى.
ولار ٴبىزدى جىگەرلەندىرۋ ٷشىن كەلەدى. ٵر اۋداندىق باقىلاۋشى 20 شاقتى قاۋىمدى ارالايدى. ول بۇل قاۋىمداردىڭ ٵرقايسىسىنا جىلىنا ەكى رەت كەلىپ، ولارمەن ٴبىر اپتا بويى قىزمەتتەسەدى. ٴبىز وسى تاجىريبەلى باۋىرلاستاردان جانە ايەلدەرى بار بولسا، ولاردان دا كوپ نارسەگە ۇيرەنە الامىز. اۋداندىق باقىلاۋشى مەن ونىڭ ايەلى جاستارمەن دە، قارت باۋىرلاستارمەن دە جاقىنىراق تانىسۋعا تىرىسادى. ولار بىزبەن بىرگە ۋاعىز قىزمەتىنە جانە كيەلى كىتاپ زەرتتەۋ ساباقتارىنا بارۋعا قۋانىشتى بولادى. بۇل باقىلاۋشىلار قاۋىم اقساقالدارىمەن بىرگە باۋىرلاستارعا باقتاشىلىق ساپار جاسايدى جانە ٴبىزدى رۋحاني نىعايتۋ ٷشىن قاۋىم كەزدەسۋلەرى مەن كونگرەستەردە جىگەرلەندىرەرلىك باياندامالار ايتادى (ەلشىلەردىڭ ىستەرى 15:35).
ولار اربىرىمىزگە كوڭىل بولەدى. اۋداندىق باقىلاۋشىلار قاۋىمداعىلاردىڭ رۋحاني كۇيى ٷشىن كوپ قام جەيدى. ولار اقساقالدار مەن قىزمەت كومەكشىلەرىمەن كەزدەسىپ، ولارعا مىندەتتەرىن جاقسىراق اتقارۋعا كومەكتەسەتىن ٴتيىمدى كەڭەستەر بەرەدى ٵرى قاۋىمنىڭ جەتىستىكتەرىن قاراستىرادى. سونداي-اق ولار ٸزاشارلارعا قىزمەتتەرىن جەمىستى اتقارۋعا كومەكتەسەدى. ولار جاريالاۋشى رەتىندە جاقىندا قىزمەت ەتە باستاعاندارمەن تانىسىپ، ولاردىڭ رۋحاني ٶسىپ جاتقاندارى جايلى بىلگەندە، زور قۋانىشقا بولەنەدى. اۋداندىق باقىلاۋشىلاردىڭ ٵرقايسىسى ٴبىزدىڭ يگىلىگىمىزدى ويلايتىن قىزمەتتەسىمىز رەتىندە وزدەرىن باسقالارعا رياسىز ۇسىنۋعا دايىن (قورىنتتىقتارعا 2-حات 8:23). ٴبىزدىڭ وسى قىمباتتى باۋىرلاستارىمىزدىڭ قۇدايعا دەگەن سەنىمدەرى مەن ادالدىقتارىنا ەلىكتەگەنىمىز دۇرىس (ەۆرەيلەرگە 13:7).
-
اۋداندىق باقىلاۋشىلار قاۋىمداردى قانداي ماقساتپەن ارالايدى؟
-
ولاردىڭ قىزمەتىنىڭ سىزگە قانداي پايداسى بار؟