Kja yo Escrituras Griegas Cristianas mama ke e Bernabé ñe kʼe apóstol Pablo mi pebi na je̱e̱, mi pa zenguabi yo kjuarma kʼo mi ka̱ra̱ kja yo congregación mi jingua. ¿Pjenga mi pa zenguabi yo kjuarma kja yo congregación? Angezebi mi nee ro mbøsʼꞹji kʼo kjuarma. E Pablo go mama ro nzhogꞹbi ro ma zenguabi kʼo kjuarma ngekʼua ro mba̱ra̱bi pje mi kjaji ñe ja ma bʼꞹnji zo ma je̱e̱ ja mi ka̱ra̱jikʼo (Hechos 15:36). Yo padya, xo bʼꞹbʼꞹ kjuarma kʼꞹ pa zenguaji o kjuarmaji ngekʼua ra mbøsʼꞹji zo me na je̱e̱ ja bʼꞹnji.

Nujyo kjuarma pjøxkꞹgojme. Yo superintendente kʼꞹ kjiñiji yo congregación, kjiñiji komo dyote congregación nzi na kjɇɇ. Kjiñiji yo congregación yeje bes kja na kjɇɇ, ma poji kejmejinu na ngoʼo. Angezeji ñe o suji søø ra mbøxkojme na punkjꞹ nangeje pa̱ra̱ji na joo o Jñaa e Mizhokjimi. Angezeji ñaji ko texe yo kjuarma zo ya paleji, zo kja trʼiji. Neji ke ra dyokjojme ngekʼua ra jichijme yo ntee o Jñaa e Mizhokjimi, ñe neji ke ra sidyijme ko yo ntee yo ri xøpꞹjme. Pa zenguaji yo kjuarma kja o ngumꞹji ga dyoji ko yo otrʼꞹ axojñi kja congregación ngekʼua ra mbøsʼꞹji yo kjuarma ko ne Biblia. Kja yo congregación ñe kja yo asamblea unꞹji jñaa kʼꞹ pjøxkꞹgojme na punkjꞹ (Hechos 15:35).

Pjøsʼꞹji nrrexe yo kjuarma. Yo superintendente kʼꞹ kjiñiji yo congregación me nee ra mbøxkꞹjme ngekʼua ra kjajme kʼo mama e Jehová. Jmurꞹji ko yo otrʼꞹ axojñi kja congregación ñe ko yo pjøsʼꞹ kʼo otrʼꞹ axojñi ngekʼua ra nuji pje go tsjaji na joo kja congregación ñe unꞹji consejokʼo ngekʼua xe ra pɇpjiji na joo. Jichiji yo precursor pje ra tsjaji ngekʼua na joo rga jichiji yo ntee, me mⱥjⱥji ma zenguaji yo ntee kʼo kja pjꞹrꞹ ga jmurꞹji ñe ga tsjaji kʼo mama e Jehová. Yo kjuarmayo “pɇpji[ji] na joo kja Mizhokjimi” ngekʼua ra mbøxkꞹjme (2 Corintios 8:23). Kʼo kjaji ñetsʼe kʼꞹ ejmeji e Mizhokjimi kja o mꞹbʼꞹ ñe kjaji ja nzi ga mama angeze. Nutsʼkojme xo ri nee ra kjagojme akjanu (Hebreos 13:7).

• ¿Pjenga yo superintendente kjiñiji yo congregación?

• ¿Ja ga mbøxkꞹjme yo superintendente ma kjiñizgojme?