Ipan Escrituras Griegas Cristianas miakpa nesi inintoka Bernabé uan apóstol Pablo. Inijuantij kinpaxalojtinemiyayaj toikniuaj katli itstoyaj ipan tlanechikoli tlen onkayaya. ¿Kenke kichiuayayaj? Pampa kinekiyayaj kuali ma itstokaj. Yeka apóstol Pablo kiijtok sampa kinpaxaloskia pampa kinekiyaya kimatis kenijki itstoyaj, maske kimatiyaya tlauel uejka nejnemiskia (Hechos 15:36). Toikniuaj katli tepaxalouaj ipan ni tonali nojkia ya nopa kinyololinia.

Techyolchikauaj. Sejse toikni katli tikixmatij kej superintendente de circuito yaui chijchikuasej mestli ipan se 20 tlanechikoli (se circuito) uan mokaua se semana ipan sejse tlanechikoli. Tlen kimatij ni toikniuaj ininuaya ininsiuajuaj uan katli amo mosiuajtijtokej uelis tlauel techpaleuis. Kichiuaj kampeka kinixmatisej telpokamej uan katli ya uejueyij, tlauel kinpaktia yasej touaya tlajtolmoyauatij uan kinpaxalotij katli tikinmachtiaj. Inijuantij ininuaya ueuejtlakamej kinpaxalouaj toikniuaj uan kinyolchikauaj. Nojkia tlauel techyolchikauaj kema tlamachtiaj ipan tlanechikoli uan ipan uejueyi tlanechikolistli (Hechos 15:35, TNM).

Kintekipachoua tlen techpano. Tlen tepaxalouaj kinekij katli itstokej ipan sejse tlanechikoli kuali ma mouikakaj iuaya toTeotsij. Yeka kema kinpaxalouaj mosentiliaj ininuaya ueuejtlakamej uan tlapaleuianij, kiampa kitlachiliaj tlake kuali tekitl mochijtok uan nojkia kintlajtolmakaj kenijkatsa nojua kuali kichiuasej ininteki. Nojkia kinmachtiaj precursores kuali ma tlajtolmoyauakaj uan kenijkatsa kuali ma tepaleuikaj. Inijuantij tlauel pakij kema kinixmatij katli peuaj monechikouaj touaya uan kuali kitekipanojtiauij toTeotsij. Nochi toikniuaj tlen tepaxalouaj tlauel kuali tlatekipanouaj uan ‘techpaleuiaj’ (2 Corintios 8:23). Uajka ma titlaneltokakaj uan ma tijueyichiuakaj toTeotsij kej inijuantij (Hebreos 13:7).

• ¿Kenke tepaxalouaj nopa toikniuaj ipan sejse tlanechikoli?

• ¿Kenijkatsa uelis techpaleuis kema techpaxalouaj ni toikniuaj?