Ajʉ’ Biible yié mé la lôgô chouŋé Gélékia ŋwé’é tʉʉ lélʉo ngôôn no na Panébaasé po ngang ntoum Pôl. Po laa mé itinérant, nné ngouaa ngée tsèe métchou’té mé vôg mvfo ngou’ nkʉo. Pô lôôn ngʉo pou’ou nti kô? Nti noué po lôôn nkoua’ ntsôôn ngié méfa pab tsaa tchou’té jou’ mboŋo. Pôl la gôôn ngié: «Pôgô ping nzém, ndié méfè méfè, ndié ngia pa’ pô ka tchʉʉ’ ngouô pou’ou.» A la koung pa’ ngouô a gʉo mékilométa ta ntôg nkʉo, ndôg ngʉa nkuingté wôb. (Mégang ntoum 15:36) Aa mmo yié méresponsable de circonscription pé liè’ôôn né ntsôôn lé gʉo.

Pô to nkuingté wégé. Wèewèe responsable de circonscription wô gwiée métchou’té 20 ka nzab wôô, mié a gʉa wo ngʉa mbʉa na ngou’. A ping ngʉo ta’ ngab tsèe ta’ tchou’té. Ngouô pégé koua’ njʉo pi na zséno yôb, mboo na yé mézuiée pôb pa’ a lôôn ngouo yié po zôô’. Po tra lé zsé ngouachoum mboo mélʉo, nkoung ngié péga po gʉa chouŋo no Ssé, mbing nging nkoung ngié péga pô gʉa ngia pʉa pié pég zi’i wôb Biible. Paa mélhié gouaté tso méfè, nkuiété wôb na chʉo wé zuigé. Pèe méresponsable de circonscription ying nna métwo chouŋé nda tchou’té mboo na mémaa métchou’té, ndôg nkuingté wégé. —Mégang ntoum 15:35.

Pô lié wégé. méresponsable de circonscription koua’ né ntsôôn lé kuiété méfè lé kui’i ntʉté na no Ssé. Po gʉo tso tchou’té lé mélhié laa pakuiété mélhié, ndôg ngô’té choum mboŋo sié tchou’té gʉoo, mbing nna méntʉôgô mié é gé kuiété wôb lé tchouŋo ngouôg méfa’ môb tsèe tchou’té. Pô kuiété pakiagnzsé lé fa’ mboŋo, nkoung lé zsé pʉa pié pô gnié ta ntoo, mbing nging nnéŋé fʉ’ ntsém fa’a lé zsé pa’ po wô na chʉo wé zuigé. Wôôwôô na pôôn méfè koung koung ndôgô léwô wé fa’ nti wégé. (2 Korénto 8:23) Pégé gwiée lé pi fʉ’ na zuiŋé ntʉm yôb, mboo na yôb nti lé kouè nnè na Ssé.—Héber 13:7.

• Méresponsable de circonscription waa ngouaté métchou’té méla’a kô?

• Ngouô ô gʉo kô ndôg njʉo pi fʉ’é pô too tsèe tchou’té?