Fxiꞌjni Griegas yu kxsusuꞌjne Bernabe vxiteꞌ apostol Pablos. Txãa thẽꞌjsaweꞌsx tadxiisa yu paꞌjsaneta yũu pkhakheni Dxus yatsu selpiisa txãa eensu. ¿Kĩh yũuçxa kitx paꞌjn ũssuꞌ? Pablo Yakhthẽꞌjweꞌsxtxis wẽdxçxane thegna maꞌw ũstewa, paꞌjn ũssuꞌ ew ũus kaayahkxjya. Yahkxmeene jxuꞌjtewa uꞌjn ũssuꞌ yakhthẽꞌjweꞌsxtxis kçxhãçxhajya (Hechos 15:36). Ãçxhweꞌsx thẽꞌjsa tadxiisa txaꞌwẽyçxaneta yũu.

Paꞌjaneta kçxhãçxhajya. Añote jeꞌzusneta paꞌja thẽꞌjsaweꞌsx tadxiisa, khĩiçxa 20 ãhteneta pkhakheni Dxus yatsu selpiisa kxtee teeçx kiꞌsuneta neyũu. Txaawẽꞌsx ptaamsa wala jiisanayã kweꞌsxtxis puꞌçxhineta. Txaawẽꞌsxa ih neta ũswẽje yakhthẽꞌjweꞌsx yakh puꞌçxhna, Dxus yuwes ptaꞌsxna vxitetxis kaapiyaꞌjya. Txãa thẽꞌjsaweꞌsx tadxiisa paꞌjaneta yakhthẽꞌjweꞌsx yatsu, thẽꞌjsaweꞌsx yakh puꞌçxhya. Khĩiçxa txaawẽꞌsxa nasa ksxaavxte weꞌweneta txaꞌwẽy pkhakheni Dxus yatsu selpiisa vxite pkhakheni walasu txaawẽꞌsxtxis kçxhãçxhajya (Hechos 15:35).

Jxukasaytxisne kũh yaakxi. Thẽꞌjsaweꞌsx tadxiisa wala kũh yahkxneta yakhthẽꞌjweꞌsxtxis, wala ew ũus kaayahkxjya pkhakheni Dxus yatsu. Txaꞌwẽy thẽꞌjsaweꞌsx tadxiisa pkhakheneta thẽꞌjsaweꞌsx yakh vxite thẽꞌjsaweꞌsx selpii puꞌçxhsa, maꞌw ũstewa ew yuꞌkxpeheneta. Saꞌ puꞌçxhna nes selpiiyũusaꞌs Dxus yuweꞌs ew ptaꞌsxya. Txaawẽꞌsx wala ew wẽt yahkxneta txãa piyasa kweꞌsx yakh pkhakhen ũste. Dxus eça naꞌjĩk: “mjĩi puꞌçxsaꞌ ayte kweꞌsxtxi selpisáa jĩneꞌkwe” (2 Corintios 8:23). Thẽꞌjsaweꞌsx tadxiisa naꞌwẽy yũu jiꞌphnetkhaꞌw (Hebreos 13:7).

• Thẽꞌjsaweꞌsx tadxiisa pkhakheni Dxus yatsu selpiisa ¿kĩh yũuçxakitx paꞌja?

• ¿Idxaꞌs maꞌw puꞌçxhik txãa thẽꞌjsaweꞌsx tadxiisa paꞌjte?