Ẹbẹre ra vwẹ Grik si vwẹ Baibol na djunute Banabas vẹ ọyinkọn Pọl abọ buebun. Ayen kiẹn ikoko re herọ ọke yena. Diesorọ? Kidie ayen vwo ọdavwẹ rẹ iniọvo rayen. Pọl tare nẹ ọyen guọnọ “rhoma ra mrẹ imoni na” rere ọ mrẹ oborẹ ayen hepha. O vwo ẹwẹn rọ vwọ yan iroko ujorin buebun ra bọn iniọvo na gan. (Iruo 15:36) Ọyena jẹ ọdavwẹ rẹ iniruo okinriariẹ avwanre nonẹna.

Ayen bọn avwanre gan. Oniruo okinriariẹ ọvo kiẹn ikoko ri te omarẹ 20 abọ ivẹ ẹgbukpe, ọ ghwọrọ udughwrẹn ọvo vwo kiẹn ukoko ọvuọvo. Avwanre se yono mie iniọvo nana vẹ eya rayen. Ayen davwẹngba rẹ ayen vwo vughe iniọvo na, te imitete te imiragua. Ayen ji nene avwanre kpẹ aghwoghwo vẹ uyono ri Baibol. Iniruo okinriariẹ vẹ ekpako na kọn brẹ avwanre cha. Iniruo okinriariẹ na je bọn avwanre gan womarẹ eta rẹ ayen vwọ phia vwẹ emẹvwa.​—Iruo 15:35.

Ayen vwo ọdavwẹ rẹ avwanre. Iniruo okinriariẹ vwẹ ọdavwẹ kpahen ẹyan-obaro rẹ ukoko na. Ayen vẹ ekpako kugbe idibo rowian vwoma vwọ jiroro kpahen oborẹ ayen se vwo ruiruo rayen fiotọ. Iniruo okinriariẹ je vwẹ ukẹcha kẹ ekobaro ọkieje na rere ayen se ruiruo aghwoghwo rayen fiotọ. Oma vwerhen ayen siẹrẹ ihwo kpokpọ da rhe ukoko na, ayen de ji nyo kpahen ẹyan-obaro rayen. Iniọvo nana vwoma rayen kpahotọ rẹ ayen vwo “ruẹ iruo kẹ” avwanre. (2 Kọrẹnt 8:23) Ofori nẹ avwanre vwẹrokere esegbuyota rayen.​—Hibru 13:7.

• Diesorọ iniruo okinriariẹ vwo kiẹn ikoko sansan?

• Mavọ yen wọ sa vwọ mrẹ erere ọke rẹ ayen de kiẹn ukoko wẹn?