Matetiky amy Soratra Griky mikoran̈a momba Paoly ndreky Barnabasy. Asandro io mitety fiangonan̈a. Nan̈ino ma iro mifen̈y mikarakara fiangonan̈a vangiandro? Paoly nivolan̈a fa efa tsy din̈iny hahita olo amy fiangonan̈a andihanany an̈y. Tsy nampan̈ino izy nan̈ano dia vity lavitry hahitany iro jiaby. (Asan’ny Apostoly 15:36). Mira zen̈y koa raha ataony pitety faritany izioty.

Hankahery atsika diandro. Piandraikitry faritry tsiaraikiaraiky mitety fiangonan̈a kadiriny 20. Indroe isaka taon̈o iro avy. Iro midoko herin̈andra isaka iro mandalo. Maro raha ianaran̈a baka amindro ndreky amy vadindro, iro koa fa mandalo. Iro mikoran̈a aminolo jiaby, mitory ndreky mampianatra miaraka amy fiangonan̈a. Iro koa man̈ano kabaro baka amy Baiboly amy fivorian̈a ndreky fivoriambe ndreky miaraka aminolobe amy fiangonan̈a mankahery olo amy fiangonan̈a ao.—Asan’ny Apostoly 15:35.

Iro tia olo jiaby. Diandro piandraikitry faritry aby io mankatsara fihavan̈anolo amy Zan̈ahary. Iro ndreky olobe amy fiangonan̈a ndreky pan̈ampy amy fanompoan̈a aby io miaraka mivory, mizaha raha tsara vitany fiangonan̈a ndreky man̈amia hevitry mampatsara asandro. Iro mankahery pisava lalan̈a efa ela ndreky vaovao, man̈ampy iro hankatsara fahaizandro mampianatra ndreky mitory. Ten̈a mahay miaraka miasa aminolo iro pitety faritany aby io. (2 Korintianina 8:23) Tsara atsika izikoa mazoto manompo Zan̈ahary karaha iro io.—Hebreo 13:7.

• Ino ma asandro piandraikitry faritry aby io?

• Mahatsara anao ma faviandro io?