AZI’NÉ 17
Afa’ ménfènè pi é woua métchou’té a si ngô a léghaa?
Malawi
Atchou’té a lélôk mbheu nkeu Lefô
Lépheu nkeu Lefô
Atchou’té ménfènè
Atseum-è Biible zi mè lé lôkô ashoung-né ala’ Grèk té ntii, a mô’ éfœu’ é kim-è Barnabé pô ngangto Paul. Épô mémia pouô mèt é lè ngoua métchou’té anè mvhô ngou’ nkhœu. Pô lè ngheuè poup mela’akô? Lézhè pa’ épô mémia é lé nông njou’ô poup anè éshheu ajwakné, a lè azou ntseukné tè’ a mbou pôp. Paul a lé nông ntsaa yi a “léping nzeum ngoua épô mémia,” ndôk nkoo njiô kèè pô ménténteu lè. Nkông-né zi a lé wè a mbou épô mémia mè lé tshounè yi a lézing mékilomèta nkhœu té ntôk, ndôk seumtè wôp. (Actes 15:36) A aya’a, ménfènè pi é woua métchou’té é zeung ngwuè zôp ntsi akwangté jiô mèt.
Pô shi’é ngô seumtè yimpè. Éwuè nfènè lè yi a woua métchou’té, a tchiité métchou’té tè é ghô tsôô 20, mbing ndôk a ta’ ngap ala’ ngoua ta’; a gheu poup ngueô mbia anè ta’ ngou’ ala’. Mpè ghô jheuè a mia apè a nzeum épô mémia pouô mèt, mbing ngô yi pô mèrè, mè zeung njheuè apè a nzeum mézwi pôp. Pô fa’ a lézhè épô mémia pi é ngwèsso mbô mélœuè; mbing nzeung ntsaknè wôp afœu’ zi pô pheuè nkeu Lefô mbô afœu’ zi pô zi’nè épouô Biible. Pô ménfènè é gheuô ngoua émô’ épô mémia a mbaa pôp ndôk ntswhi seumtè wôp. Pô zeung nguiè méthouô ashoung-né mi é gheu mpeukè teueté anè éshheu ajwakné a nguia atchou’té mbô afœu’ mémia métchou’té.—Actes 15:35.
Pô pou ntchiité épouô métseum. Ménfènè pi é woua métchou’té é kuité épô mémia a léku’né nkouèt léssoo tsôp pô Ndem, mbing nzeung ntchiitè ajoumi a si nzaka a mbou pôp anè éshheu ajwakné. Pô tchou’té pô ménfènè mbô wô kuité ménfènè a, ntsa’ nzeung njiô pa’ métsoo é si ngueô a mvhô poup a nguia atchou’té, mbing nguiè wôp ménteukné anè ntsi zi pô ghô lôk ngôk poup. Pô kuité méngnha’-nzhè a lépheu nkeu Lefô mbông-ô, mbing ngô mé lékak a lézhè épouô pi é zèè nzii a léshi’ a nguia atchou’té, mbô ntsi zi pô si nkwhiè poup anè éshheu ajwakné. Awôlè a nnô pôp a lôk lékông yi té ngôk, nké nông-ô nzhè nguè mpeuk a pôp é si ngô “méssoo afa’.” (2 Corinthiens 8:23) Aveung-è nteu zôp ngheu ntsi zi pô lôk nkouèt-nèt poup anè Ndem, é si ngô atshuè mbông zi mpè pôngtè a léfœu’né.—Hébreux 13:7.
-
Émô’ ménfènè é woua métchou’té mela’akô?
-
Mpè ghô ghaa té njheuè apè afœu’ zi pô woua yimpè?
