Ye wɔ̃ nyɔɔ aa ɓɔ mia laa, Zihova la Kela vɔ oo wɔ̃ ya e kie le zale kɛɛ o gbumɔ nɔ o leege vɔ lɛ wɔ̃ kɛɛ lɛ o kaa lɛɛ. Wɔ̃ e kea kɛɛ laa zɔ̃ɔ̃ kelɛ oo lɔkɛ o kie ni ka die ɓo. (Zɔ̃ɔ̃ 13:34, 35; 1 Zɔ̃ɔ̃ 3:17, 18) Zi kpɛɛ lɛ ko gbumɔ nɔa pie?

Koo gbumɔ nɔ pɛlee ka. Lɛ lɔ̀ɔ wɛlɛ yɔɔzɛ e da Zudiaa, Walamia lɛ o kɛ mɔ́ Anteɔ, o pɛlee vɔ yi kɛɛ o gbũa o leege vɔ lɛ o kɛ Walamia kaa mɔ. (Apɔsɔlɔ 11:27-30) Zi nɔ dooa kaa, ye kɔaa ma kelɛ luo gaga lɛ ko leege vɔ mɔ kpoula lɛ do mɔɔ, koo pɛlee vɔ yi. Aa kɛɛ nukiela ni lɛ o lɛ e kilia mɔɔ lɛɛ pɔɔ lɛ o gbumɔ nɔaa lɔ pɛleea ka waa nɔ mia kpokpo lɛ luo gaa lɛ o mɔɔ lɛɛ.—2 Kɔleĩtĩa 8:13-15.

Koo gbumɔ nɔ miaa lɛɛ zi doodo ka. Mia diedie-vɔ lɛ o lɛ lɛ wɔ̃ nyɔɔ wɛlɛ yɔɔzɛ kɛɛ lɛ yia mɔɔ, oo o nyiɛ kpɔ kela vɔ lɛ o nukielaa yia ka deĩ le kɛ o zi waa kaa dɔ ɛ̃ɛ̃ kɛ o o zo kɛ o pie. Mia kpo lɛ o wɔ̃ nyɔɔ gɛ̃ɛ̃ mɔɔ gbumɔ wũlaa, oo leɓele wa yii e daá sɔ ni, ɛ̃ɛ̃ mia kɛpia wa nyɛɛ mɔɔ wɔ̃ baa ya e kie mɔ. Kela vɔ bunuzɛ lɛ ò yɛlɛ dɔɔ, oo lo o die ka lɛ e kilia mɔ kɛɛ o da gbũ mia mɔ yɛɓo e kilia ba. A lɛ mɔɔ, oo ka wa ko Tomiala Ka ni lɛ o sie lɛɛ bɛi zeĩ. Kɔlokieyi lɛ e nu zogeli ka ko nukiebaa yia. Ɛɛ̃ wɔ̃ ni lɛ ko mɛdã ye kɔa kɛ yɛɓo kɛpia ko kie baa kaa laa kɛ kɔa nu ko kie ba zale wɔ̃ nyɔɔ gɛ̃ luo ka. Ye bɛ̃ɛ̃ lɛ ko gbumɔ nɔ “mia lɛ o ko kɔpiemia ka zodɔamɔ yia” lɛɛ, koo gbumɔ nɔ mia ye o toa lɛɛ ye zi aa kɛ ɓea ka, o go bɛ̃ɛ̃ Wala ka gbɛɛgbɛɛ wia ka.—Gɛlesia 6:10.

Koo o nɛɛnɛɛ wɔ̃ e go Baabo yia ka ɛ̃ɛ̃ aa gbũ o mɔ kɛ o o yɛlɛtaa kpeĩ. Mia lɛ wɔ̃ nyɔɔ gɛ̃ɛ̃ e ɓɔ o laa, oo naa mia o o nɛɛnɛɛ die ɓo. Luo e kilia kaa, koo yikɛ gaa sɔlɔɓo Zihova, “Wala lɛ mia zoyage wɔ̃ seĩ e go a kɛlɛɛ” kɛlɛ. (2 Kɔleĩtĩa 1:3, 4) Koo wedɔwe lɛ e Baabo yia gee mia lɛ o zo daa lɛ zizaa lɛɛ zogeli ka. Aa kɛɛ koo gee o lɛɛ kpokpo ɓo kelɛ Wala la Tomialaa, lɛɛ lo kɔɛi lɛ e daa wa wɔ̃ nyɔɔ gɛ̃ɛ̃ ni seĩ ɓoo tãã.—Wɛlɛvelesɔ̃ 21:4.

• Ye wɔ̃ nyɔɔ aa ɓɔ mia laa, mɛɛ e kɛ lɛ Zihova la Kela vɔ o ɓɔ a lɛ mɔ zale?

• Mia lɛ waa la wɔ̃ nyɔɔ kɛlɛɛ, zi kpɛɛ lɛ ko o nɛɛnɛɛ a ka Baabo yi?