მუჟამსით სოდგაინ სტიქიურ უბედრობა მუთმოხვადუ, იეჰოვაშ მოწმეეფი ირფელიშ უმკუჯინუო მეულა დო ოხვარუნა დაზარალებულ და დო ჯიმალეფს. ზუსტას თენა ამტკიცენს, ნამდა თინეფს მთელ გურით უჸორა ართიან (იოანე 13:34, 35; 1 იოანე 3:17, 18). მუჭო ვოხვარუთ ართიანს?

მატერიალურ მოხვარა. მუჟამსით მთელ იუდას შქირენა რდუ, ანტიოქიელ ქრისტიანეფქ მუნეფიშ სულიერ ჯიმალეფს ფინანსურო მეხვარეს (საქმეები 11:27—30). ამდღა ხოლო თაშ რე. მუჟამს ბგებულენთ, ნამდა ნამდგაინ ქიანას ჩქინ და დო ჯიმალეფს უჭირა, მატერიალურ დახმარებას უჯღონანთ, ნამუთ თინეფს კრებეფშე გინაჩამუნა (2 კორინთელები 8:13—15).

პრაქტიკულ მოხვარა. სტიქიაშ ზონას ცხოვრენა თი უხუცესეფქ ოკო ქიგეგან, ქორენ დო ვარ მუნეფიშ კრებაშ თითოულ წევრი, მუთუნ ვაცილუნ ფერ ადგილს. მოხვარაშ კომიტეტიქ ოკო იზრუნას დაზარალებულეფიშ დუდიშ გითაფორაფალშე, ოჭკომალშე, ოშუმალ წყარშე დო მუკაქუნალშე. პროფესია ვარდა ხელობა უღუნ ფერ ბრელ იეჰოვაშ მოწმე მუშ ხარჯეფით მეურს დო ოხვარ დაზარალებულეფს. თინეფ ჸუდეეფიშ დო სამეფო დარბაზეფიშ კეთებას ხოლო ოხვარუნა. ართობა, ნამუთ ჩქინ ორგანიზაციას მიღნან დო ართო მუშობაშ გამოცდილება, მარზენა საშუალებას, ვორდათ მობილიზებულ დო მუშ დროს მივეხვარათ დაზარალებულეფს. მართალ რე, ვოხვარუთ თინეფს, მით ჩქინ რწმენაშ რენა, მარა შურო ქეშემლებნა-და, შხვა რელიგიაშ ხალხის ხოლო ვებტალენთ უმკუჯინუო (გალატელები 6:10).

გურიშ მოქექაფა დო ხუჯიშ ელარინა. გურიშ მოქექაფა უმოსო თინეფს ოსაჭირ, მიდგაქ სტიქიურ უბედრობაშ დროს ზარალ ძირუ. თე დროს იეჰოვა ძალას მარზენა, ნამუთ ირნერ გაჭირებაშ დროს გურიშ ემაქექაფალ რე (2 კორინთელები 1:3, 4). მზათ ვორეთ, ნამდა ბიბლიურ იმენდით გურშა ელუკინათ გაჭირებას რენა ფერ ხალხის დო დუვარწმუნათ თინეფ, ნამდა მალას ღორონთიშ სამეფო არძანერ ტანჯებას მოსპუნს (გამოცხადება 21:4).

• მუს ორთნა იეჰოვაშ მოწმეეფი სტიქიურ უბედრობეფიშ დროს?

• მუჭო ელუკინანთ გურშა სტიქიურ უბედრობეფიშ დროს გინოსქილადირეფს?