Ande dia kufuá, Jezú ua zuela ni kiuana kia Jipoxolo jê—Phetele, Tiiaku, Nzuá ni Mandele. Kioso kiai ni kuzuela o kijimbuete kia kutukuluka kuê mu izuua i sukidila-ku, muéne ua bhange kibhuidisu kia tokala: “Nanhi-phe o kimbadi kia fiiele, ngana iê ua mu lekela kutambula konda ia dibhata diê, ku a uanena kúdia kuâ mu ola joso ja tokala?” (Matesu 24:3, 45 NW; Marku 13:3, 4) Mukonda dia kukala “ngana” iâ, Jezú ua kexile mu kuatekesa o maxibulu mê kuila, ueji sola athu eji dikila izuua ioso o akaiedi’ê mu nzumbi. A nanhi?

Ene Akaiedi a Jezú a a Undu ni Nzumbi. O “Kibuka kia kimbadi” kia mu kalakala ni nguzu ioso phala kubhana kudia mu nzumbi ku abhezi ni akua mu kithangana kia tokala. Tua dielela ku kibuka kia kimbadi phala ku tu ‘bhana o kudia mu ji ola ja tokala’.—Luka 12:42

Ene Endesa o dibhata dioso dia Nzambi. (1 Timote 3:15) Jezú ua bhana ku kibuka kia kimbadi, kikalakalu kia dikota kia ku langa o sidivisu ia kilunga kia Jihova mu ixi—ku langa o ima ioso, kuendesa o sidivisu ia kuboka ni ku tu bhana milongi bhu kaxi ka ilunga ietu. Phala ku tu bhana ioso i tua mesena mu kithangana kia tokala, o “kimbadi kia fiiele” ki uanena kudia mu nzumbi mu kaxi ka madivulu metu u tua-mbata ku sidivisu ia kuboka ni mu kaxi ka iônge mu ilunga ni iônge ia makota.

O kibuka kia kimbadi, fiiele mu kidi kia Bibidia ni mu kikalakalu kiê kia kuboka o njimbu iambote. Kimbadi kia fiiele, mukonda ki langa ni unjimu uoso o ikalakalu ia Kristu mu ixi. (Ikalakalu 10:42) Jihova ua mu besoala o kikalakalu kiâ kia mu bhanga, mu kubhanga madivulu.—Izaia 60:22; 65:13.

• Nanhi a a solo phala ku dikila o akaiedi a Jezú?

• Mu ukexilu uebhi o kimbadi, fiiele?