Mwa bilumbu tekela kafwa, Yezu wamokana na milongoki miandi mia miya—Piere, Zaki, Za na André. Mbo keri bazonzelaka tsidimbu tsia mbelo andi mu bilumbu bia mansukina, wavundumuna tsiuvu’etsi tsia mfunu: “Ngâna tsieleka muwumbu wa kwikama mpe wa ndwenga wo mfumu andi wukabiekele mu kengelela bisari bia nzo’andi ngati kabahana madia mu ntangu yifwanakane ni nani e?” (Matie 24:3, 45; Marke 13:3, 4) Yezu waba nandi ti milongoki miandi miazaba ti yandi mbokena “mfumu” awu mbokabieka bantu baketi hanaka bilandi biandi madia ma tsimpeve mu ntangu ya mansukina. Banani baketi ba muwumbu wango e?

Mwa tsimvuka tsiena tsia milongoki mia Yezu mibashiri mafuta. “Muwumbu” wango ni Tsimvuka tsitatwarisa tsia Mbangi za Yehova. Ni muwumbu wango wuhanaka madia ma tsimpeve kwe bisari biakaka bia Yehova. Muwumbu wango wa kwikama mpe wa ndwenga tushikirilaka mu tatamana mu tuhana “tsikunku tsieto tsia madia mu ntangu yifwanakane.”​—Like 12:42.

Nzo ya Nzàmbi katwarisaka. (1 Timote 3:15) Yezu wahana kwe muwumbu wo dema dia dinene dia twarisa tsisalu tsia tsitsini tsia nkubukulu ya Yehova ye ha m’tôto: mu kengelela bima biandi biabiansoni, mu twarisa salu tsia samuna mpe mu tulongesa mu nzila ya bimvuka bieto. Mu tuhana bio bifwanakane mu ntangu yifwanakane, muwumbu “wa kwikama mpe wa ndwenga” madia ma tsimpeve katuhanaka mu nzila ya mabuku matusarilaka mu salu tsia samuna, na mu nzila ya malongi matubakaka ku tukutakanu tweto twafieti na twatunene.

Muwumbu wango wena wa kwikama mu malongi matsieleka ma Bibila mpe mu tsiyeko tsi bamuhana tsia samuna nsangu zambote, mpe wena wa ndwenga mu mpila yikataninaka mu mayela bima bia Kristo ha m’toto. (Bisalu 10:42) Salu tsiandi Yehova tsia kata tomo sakumuna ntsiangu lukontsi lwa Mbangi za Yehova nifuna kwa lushimbiri, mpe muwumbu wango madia ma tsimpeve ni dukisa na dukisa kata madukisa.​—Izaya 60:22; 65:13.

• Ngâna nani Yezu kabieka mu dikila milongoki miandi mu tsimpeve?

• Mu ntsia mpila muwumbu kena wa kwikama mpe wa ndwenga e?