Ngoi yakere uzu ti kwá tɛ lo ko, Yezo tɛnɛndó tɛnɛ ka katɛ na ava lo osiɔ: Pɛtro, Zaki, Yoanɛ, nga na Andre. Ngoi mɛ ndó lo ndo tɛnɛ tɛnɛ mɛ aba aye mɛ afa ya lo da na ndangba bi ko, lo hũndandó ndo ya: “Zo mɛ biani nvɛ̃ni mbɛ ti mbili mbili nga ti kɔdɛ mɛ gbia tɛ lo akpã lo ya lo bata awa kwa ti ya da tɛ ni, ko lo hɛ la tɛ na ngoi mɛ alengbi na?” (Matie 24:3, 45, NW; Marko 13:3, 4) Yezo yendó pangɔ hɛ ava lo ya ni la ni du “gbia” tɛ la, ni na kpãngɔ azi mɛ na ngbãngɔ lá kwɛ́ hɛngɔ tɛ ti nyingɔ hɛ ava ni, alengbi ya hĩngangɔ ndo mɛ aba Nzapa, na ngoi ti ndani. Azi niko alengbi ti dungɔ ana?

Adu kɛtɛ linɔ tɛ ava Yezo mɛ adala ala na kpɔ̃ ti nyingɔ. “Mbɛ” niko adu Bombi tɛ Adonzi mɛ ndo ba kwa tɛ Atɛmwɛ tɛ Yehova. Mbɛ niko la ndo hɛ tɛ ti nyingɔ hɛ Atɛmwɛ tɛ Yehova na ngoi mɛ alengbi. E ndo kpã bɛ e ka tɛ ayata niko ti “lwangɔ tɛ mɛ e na gwɛ̃ ni na ngoi mɛ alengbi.”​—Luka 12:42.

Ala ndo dɔ nda sewa tɛ Nzapa na nɔ̃. (1 Timɔte 3:15) Yezo hɛndó kota kwa hɛ mbɛ ya lo dɔ nɔ̃ na kwa ti linɔ tɛ Yehova mɛ ge lɛ sese zu, alengbi ya, lo bata aye ti linɔ ni zu, bangɔ kwa ti fangɔ tɛnɛ nga na hangɔ e na tɛnɛ tɛ Nzapa ka bombi tɛ e. Ni la, ti hɛngɔ e ye mɛ e na gwɛ̃ ni nga na ngoi ni nvɛ̃ni ko, “mbɛ ti mbili mbili nga ti kɔdɛ” ndo kangbi tɛ ti nyingɔ na lége ti ambeti kola e ndo si na ni na kwa ti fangɔ tɛnɛ nga na awangɔ mɛ e ndo ma ka bombi nga na ka kota bombi.

Mbɛ niko adu mbili mbili na ndó abɛta lo ti Ngbangɔ nga na ndo kwa ti pangɔ nzɔ̃ pa mɛ a hɛ lo, lo du nga wa kɔdɛ na lo mɛ ya lo ndo bata aye tɛ Yezo mɛ ge lɛ sese na ndara. (Awa Pangɔ Kwa 10:42) Yehova ndo suru kwa tɛ mbɛ na lo mɛ ya azi ma wo ma ndo ti Atɛmwɛ, lo ndo si nga na tɛ ti nyingɔ ma wo ma.​—Yisaya 60:22; 65:13.

• Zo mɛ ndó Yezo kpã lo ya lo hɛ tɛ ti nyingɔ hɛ ava ni na?

• Mbɛ niko lo mbili mbili nga na kɔdɛ na lége mɛ ngasia?