Yéeso la waa kwé, ntong mégaŋa kwo pé pôôn lékoua paa pôô thié ntsém: Piè, Jag, Jang ngʉo Ndéléya. A la né ngôôn no na liŋé yié mé lôôn ngé la’ lôg zsé ngié a né ntoo na ménzsonzém liè’è la’, ngôôn yôôn tʉnzuing no: «Ngaŋa fa’ wuié a jouou’, mbing ngwiée léghié a wa’a la? Aa wuié ta fa’ la tchʉmé pʉa pé mbwo yé, pa’ a gé tchʉ’ na choum léjʉo mbwo pôb ana fʉ’ yié a né nzèté.» (Matio 24:3, 45; Malékousé 13:3, 4) Yéeso lôôn ndôgô néŋé ntʉm mégaŋa kwo pé ngié, pa’ aa «ta fa’» la, a gé gʉo tʉôg pʉa pié po gé na choum léjʉo sé zuigé ta ngiôôn lôg jʉôg mégaŋa kwo pé na ménzsonzém liè’è la’. Wô zoo lôôn ngé gʉo wô yôôn nkouôôn?

Aa ta’ mouô méntsuii nouô Mékréeté pé zôô’ lé zuigé. Yôôn «nkouôôn», ée Létsiŋé lôg Ntségé Tchou’té Pakuié Ntang Jéova. Pô na choum léjʉo sé zuigé mbwo pétsô pagou’té Jéova. Pégé tsué’é po na wôôn ngaŋa fa’ wuié a jouou’, pa’ a gé «na choum léjʉo . . . na fʉ’ yié a né nzèté» mbwo pégé.—Loukasé 12:42.

Po lié «pʉa pié Ssé aa ta wôb.» (1 Timoté 3:15) Yéeso la naa ta’ fa’ ntchouŋo tchouŋo mbwo yôôn nkouôôn ngié, é lié choum sié é lié gouooŋo tchou’té Jéova yé ndoumo ssé tsétsa’, ntsiéen fa’ léchouŋo no Ssé, mboo lézi’i sié mé naa nda tchou’té. Pou’ou, yôôn «nkouôôn yié é ghiété mbing njou’» tchʉaté na méŋwa’né mié pég lôg chouŋo no Ssé, pô lézi’i sié mé naa métchou’té, mboo mémaa métchou’té ta na choum léjʉo sé zuigé sié é né nzèté wégé, na fʉ’ yié a né nzaté.

Yôôn nkouôôn jouou’, noué é kouè nnè na méno nénʉ mié é foo tsèe Biible, mboo na fa’ yé, yié aa lé tsui nkʉ mboŋo, mbing nghiété na léliée choum Kristo sié ée ndoumo ssé tsétsa’. (Mégang ntoum 10:42) Jéova né nnéŋé mbʉlé na fa’ yé, nnée ngʉo Pakuié Ntang kui’i ngiôôn, mboo choum léjʉo sé zuigé.—Ésaya 60:22; 65:13.

• Yéeso la tʉôgô wô lé na choum léjʉo sé zuigé mbwo mégaŋa kwo pé?

• Ngouô pégé gôôn ngié, yôôn nkouôôn jouou’ mbing nghiété nti kô?