Eb da Jesus kshtauva is hott eah kshvetzt mitt fiah funn sei yingah​—da Petrus, da James, da Johannes un da Andrew. Vann da Jesus am shvetza voah veyyich vass da sign sei zayld vann eah kumd in di letshti dawwa, hott eah en importandah question kfrohkt: ‘Veah, dann, is di faythfel slave mitt veisheit es da meishtah drauwa dayt fa acht gevva ivvah sei haus, un fa di anra gnechta iahra ess-sach gevva an di recht zeit?’ (Matthäus 24:3, 45; Markus 13:3, 4) Da Jesus voah sei yingah am vissa lossa es eah iahra “meishtah” is. Un, es eah selli tshoosa zayld fa spiritual ess-sach gevva zu selli vo een nohch kumma in di letshti dawwa. Veah zayld sell sei?

’Sis en glenni drubb funn di anointed es doon vass da Jesus sawkt. Di slave heit is di Drubb es Foahgayt fa Jehova Sei Witnesses. Si gevva awl funn Jehova sei leit vass si braucha spiritually. Miah dipenda uf di faythfel slave fa oh’halda uns spiritual ‘ess-sach gevva an di recht zeit.’​—Lukas 12:42.

Si gevva acht uf awl funn Gott sei leit. (1 Timotheus 3:15) Da Jesus hott di slave en importandah responsibility gevva fa di eahvet ivvah sayna funn Jehova sei organization uf di eaht. Si macha es di congregations henn vass si braucha, so vi geld un material sacha, si gevva direction uf vi fa di ministry du, un si teetsha uns deich di congregations. So, di faythfel slave gebt uns vass miah braucha spiritually an di recht zeit. Si doon’s deich di publications es miah yoosa in di ministry, un deich di parts an di fasamlinga un assemblies.

Di slave is faythfel zu vass di Bivvel sawkt un si breddicha veyyich di goodi sacha vi da Jesus si ksawt hott fa du. Si yoosa veisheit uf vi si acht gevva uf alles es da Jesus gedu havva vill do uf di eaht. (Apostelgeschichte 10:42) Koss funn Jehova sei blessings is di organization am vaxa, un miah henn vass ma braucha spiritually.​—Jesoiya 60:22; 65:13.

• Veah voah getshoost bei da Jesus fa sei followers gevva vass si braucha spiritually?

• In vass fa vayya is di slave faythfel un yoost veisheit?