Jishu, manáraj huañus, suj conversaciunta taa discipulusninuan apera: Pilu, Shanti, Juanchu y Andicu. Nipucora ámoj ’risckanta cá mana alli punchaus puchucashcaptin, suj tapuna ancha súmaj ’ruara: «¿Pichus pues can esclavu fiel y discretu pít patronin encargara sujcuna siervusnin saanmanta, ckocunánpaj micuna tiempu apropiasckapi?» (Mateo 24:3, 45; Marcos 13:3, 4). Caypi Jishu áicap micunamanta ’rimara Yáyap conocimientunmanta ’rimashcara, Jishu suj patrón ina asegurapucora discipulusninta nómbraj ’risckanta picunasta ckocunánpaj túcuy tiempupi Yáyap conocimientunta punchaus puchucashcaptin. ¿Pichus can chá esclavu?

Suj utula grupu can Jíshup discipulusninmanta ungisckas espíritu santuan. Cá «esclavu» can suj grupu cristianus ungisckasmanta ima formancu Grupu Supervisajcuna Jehóvap testigusninmanta. Cá grupu ckon Yáyap conocimientunta picunasta Jehovát siruishcancu. Paycunamanta dependeycu chasquíypaj «conocimientu espiritualta tiempu captin» (Lucas12:42)

Yáyap huasinta atendencu (1 Timoteo 3:15). Jishu esclavút suj responsabilidarta atendenánpaj ckora, caypi ashpapi Jehóvap organisaciunninta, o sea cuidayta túcuy imasta ima Jishu encargapucora, predicaciunta atendeyta congregaciunpi yachachiayshta. Ckoanaycúpaj presisasckaycuta presisaptiycu, «esclavu fiel y discretu» ckoaycu conocimientu espiritualta publicacionesuan ima predicáypaj chasquiycu y temas ima ckocuncu tantacunaspi y atun tantacunaspi.

Cá «esclavu» fiel can imaraycu Biblialla nisckanta yachachin y llamcayninuan cumplishcan alli noticias predicas, y discretu can imaraycu prudenciaan caypi Ashpapi Jíshup imastisninta allít utilisashcan (Hechos 10:42). Jehová cá esclavút ’ruasckanta bendecishcan, imaraycu astaan personas Jehóvap testigusnin ’ruacushcancu y ashca conocimientu espiritual chasquincu (Isaías 60:22; 65:13).

• Jishu, ¿pít encargascka sackera discipulusninta conocimientu espiritualta ckonánpaj?

• ¿Imajchus can «esclavu» fiel y discretu?