Иса өлмезиниң өң янында дөрт шәгирдине: Петруса, Якуба, Яхя ве Андреаса ваҗып зады айтды. Иса олара соңкы гүнлерде өзүниң гелмегиниң аламатыны аян эдип, соңра шейле сораг берди: «Хызматкәрлере вагтлы-вагтында нахар пайларыны берсин дийип, агасының оларың үстүнден гоян садык хем акыллы хызматкәри ким?» (Матта 24:3, 45; Маркус 13:3, 4). Иса адаты иймит барада гүррүң этмейәрди. Ол Худай барадакы билими нахар билен деңешдирди. Диймек, шәгиртлериң «агасы», ягны Иса залым дүнйәниң соңкы гүнлеринде олара вагтлы-вагтында Худай барада билим берҗек «хызматкәри» белледи. Бу «хызматкәр» ким?

«Хызматкәр» — Исаның месх эдилен шәгиртелириниң кичи топары. Садык хызматкәре Ёлбашчылык маслахаты хем дийилйәр. Бу хызматкәр Ехованың гуллукчыларына рухы иймит берйәр. Биз садык «хызматкәриң» көмеги билен «вагтлы-вагтында... нахар пайларымызы» алярыс (Лука 12:42).

Худайың өйүни доландыряр (1 Тимотеос 3:15). Иса «хызматкәре» җогапкәрли юмуш табшырды, ягны ол Ехованың ердәки гурамасыны доландырмалыды. Иса «хызматкәре» мадды эмләге эечилик этмеги, вагыз ишине ёлбашчылык этмеги ве йыгнак душушыклары аркалы билим бермеги табшырды. «Садык хем акыллы хызматкәр» эдебиятлар, йыгнак душушыклары ве конгреслер аркалы бизе рухы иймити берйәр.

«Хызматкәре» садык дийилмегиниң себәби, ол Мукаддес Язгылардакы хакыкаты ве хош хабары вепалы вагыз эдйәр; оңа акыллы дийилмегиниң себәби болса, ол Иса Месихиң ер йүзүндәки әхли эмләгини акылдарлык билен доландыряр (Ресулларың ишлери 10:42). Ехова гурамасына акйүрекли адамлары чекйәр ве рухы иймити боллук билен берйәр. Шейдип, Ол «хызматкәриң» чекйән зәхметине пата берйәр (Ишая 60:22; 65:13).

• Иса рухы иймити пайламагы киме табшырды?

• Нәме үчин «хызматкәре» садык хем акыллы дийилйәр?