Иисус өлүрүнүң мурнуу чарыында Пётр, Иаков, Иоанн база Андрей деп дөрт өөреникчизи-биле чугула чугаа кылган. Иисус сөөлгү хүннерде боду көзүлбес-даа болза, бар турарының демдээн оларга ажыдып бергеш: «Шынчы болгаш сарыылдыг чалча кандыг болурул?» — деп айтыргаш, — «Бажың ээзи бир чалчазын өскелериниң бажынга салгаш, оларга аъш-чемни чогуур үезинде бээр кылдыр томуйлап каан» — деп чугаалаан (Матфей 24:3, 45; Марк 13:3, 4). Иисус «бажың ээзи» болганда, «бир чалчазын» бо каржы делегейниң төнчүзүнде бодунуң өөреникчилерин «аъш-чем-биле», өскээр чугаалаарга, библейжи дептерлер-биле, доктаамал хандырар кылдыр томуйлаар деп бүзүреткен. Ол «чалча» кымдан тургустунар ужурлугул?

Ол дээрге Иисустуң шилиттинген эдерикчилериниң эвээш санныг бөлүү-дүр. «Чалча» — Иегованың Херечилериниң Удуртукчу чөвүлели-дир. Ол Иегованың Херечилериниң шупту бараалгакчыларынга өй шаанда библейжи дептерлерни берип турар. Ол шынчы «чалча» чок турган болза, «аъш-чемни чогуур үезинде» ап шыдавас турган бис (Лука 12:42).

Ол Бурганның өг-бүлезинге эргелекчи кылдыр томуйлаттынган. (1 Тимофей 3:15). Иисус «чалчазынга» Иегованың организациязының черде кезээн башкарар шыңгыы даалганы хүлээдип каан. Ону кылыры-биле «чалчага» акша-хөреңгини аайлап башкарарын, суртаал ажылын удуртурун болгаш хуралдарга бисти өөредирин дагзып каан. «Шынчы болгаш сарыылдыг чалча» библейжи өөредилгени биске дептерлер, хуралдар болгаш шуулганнар таварыштыр берип турар.

Ол «чалча» шынчы, чүге дээрге ол библейжи алыс шынны эдерип, буянныг медээни суртаалдаар даалганы шынчызы-биле күүседип турар. Ол сарыылдыг, чүге дээрге Христостуң черге дагзып каан бүгү чүвезин мерген угаанныг кылдыр ажыглап турар (Ажыл-чорудулга 10:42). Иегова бодунуң организациязынче хөй-хөй биче сеткилдиг кижилерни хаара тыртып, библейжи билиглерни элбээ-биле берип, ооң ажылын йөрээп турар (Исайя 60:22; 65:13).

• Иисус өөреникчилеринге библейжи дептерлерни бээр кылдыр, кымны томуйлааныл?

• Ол «чалча» чүге шынчы болгаш сарыылдыгыл?