Беренсе быуатта Иерусалимдағы «илселәр һәм берҙәмлек өлкәндәр[ҙән]» торған бәләкәй төркөм етәксе кәңәшмә булып хеҙмәт иткән. Улар бөтә майланған мәсихселәр йыйылышына ҡағылған мөһим ҡарарҙар ҡабул иткән (Ғәмәлдәр 15:2). Берәй ҡарар ҡабул итер алдынан улар Изге Яҙмала был хаҡта нимә әйтелгәнен ҡарап сыҡҡан һәм Алла рухының етәкселегенә буйһонған (Ғәмәлдәр 15:25). Бөгөн Йәһүә шаһиттары был өлгө буйынса эш итә.

Алла Етәксе кәңәшмәне үҙ ихтыярын үтәр өсөн ҡуллана. Етәксе кәңәшмәлә хеҙмәт иткән рух менән майланған ағай-ҡәрҙәштәр Алла Һүҙен бик ҡәҙерләй. Уларҙың рухи һорауҙар һәм тормош мәсьәләләрен хәл итеүҙә тәжрибәләре ҙур. Улар һәр аҙна бөтә донъя ҡәрҙәшлектең ихтыяждары хаҡында фекер алышыр өсөн осраша. Беренсе быуатта булған кеүек, был ҡәрҙәштәр Изге Яҙмаға нигеҙләнгән етәкселекте хаттар йәки күсеп йөрөүсе күҙәтеүселәр һәм башҡа хеҙмәтселәр аша бирә. Был Алла халҡына фекерҙәрҙә һәм эштәрҙә берҙәм булырға ярҙам итә (Ғәмәлдәр 16:4, 5). Етәксе кәңәшмә рухи ризыҡ әҙерләү өсөн яуаплы. Ул шулай уҡ беҙҙе вәғәз эшен беренсе урынға ҡуйырға дәртләндерә һәм ағай-ҡәрҙәштәрҙең яуаплы вазифаларға билдәләнеүен күҙәтә.

Улар Алла рухының етәкселегенә буйһона. Етәксе кәңәшмә Иң юғары хакимдан, Йәһүәнән, һәм йыйылыш башынан, Ғайса Мәсихтән, етәкселек эҙләй (1 Коринфтарға 11:3; Ефестарға 5:23). Был ҡәрҙәштәр үҙҙәрен Алла халҡының юлбашсылары тип иҫәпләмәй. Улар бөтә майланған мәсихселәр менән бергә «Бәрәс [Ғайса Мәсих] ҡайҙа барһа, Уның артынан шунда» баралар (Асылыш 14:4). Етәксе кәңәшмәләге ҡәрҙәштәр беҙҙең үҙҙәре өсөн ҡылған доғаларыбыҙҙы бик ҡәҙерләй.

• Беренсе быуаттағы етәксе кәңәшмә кемдәрҙән торған?

• Бөгөн Етәксе кәңәшмә нисек Алла етәкселеген эҙләй?