Ne ye wôdzu mdendze mkritè, mghè them pou a mghetso le be pe laʼte jye dou paʼ wap le be de mkhète tuôdeng, ne ye tse goung mkritè mye a le be Si le jwégne é tchwôʼ wap a. (Mfaʼ 15:2) Wap le de kwishwe de mkhète. Ywe ye a le kwite wap ne ghe ya a le be ge, wap le be khé mnye ŋwaʼgne neng thak ge jwégne Si laʼte jye bi pou. (Mfaʼ 15:25) Ba Pe Laʼte Jye tyôʼô gre pe poʼo.

Mou deng mkritè ye Si de wap gre ywe ye é tcheng a. Mkritè pye a be Si le jwégne é ne tchwôʼ wap, pye wap be Pe Laʼte Jye a, koung ghôm Si téʼ. A be wap ghe jyenwe ne de mkhète ne tchi paʼ faʼ tsôk gô ne ying a ba ne potse jwégne. Pe Laʼte Jye tchouʼte baya gapdzu le ne sènwe ne ye ne pe Mkwithè ne goung demtchaʼ wè. Paʼ ne ye tchwe mdendze mkritè a, wap tchye m ne mŋwaʼgne, mkhuʼ dé, ba she pô ne ha mthôk mye a tem tchum Bible a. Ya yeng kwite ge temlaʼ Si pe tchwe tchum thamte ne yap tchi ne sè nwe ba ne mfaʼ map. (Mfaʼ 16:4, 5) Pe Laʼte Jye ha kaktuô bi bawele ne yap faʼ ne sing ghôm Si dze, neng be nyapte ywetsu jwégne. Wap tchwôʼ ba mfe pye wap gô faʼ mfaʼ tuôdeng tchum bemte a.

Mou deng mkritè pye wap thak ge jwégne Si laʼte wap jye a. Pe Laʼte Jye thak ge Jéova, Fo gwye dem goung potse awè, pou Yéso ye é be Fo Bemte a, laʼte wap medjye. (1 Korinto 11:3; Éféso 5:23) Wap te de mne map ne gre mfo ne temla Si pe. Wap pou a pyeshe mkritè pye a be Si le jwégne é tchwôʼ wap a bemte “djap jum Mou juju [Yéso] ne goung mtsuʼ awè mye é gô ne a.” (Apokalipse 14:4) Pe Laʼte Jye goʼte wôk ne mpriya mye pye gre ne yap tse a.

• Pe we le be pe laʼte jye ne ye tchwe mdendze mkritè?

• Pe Laʼte Jye tyôʼô gre la te ne tcheng ge Si laʼte wap medjye?