Jesas rombïʼpopa paʼpopo, ‹moʼkaron wòrupïa miaro chopotïʼmasan maro moʼkaron Jerusalem po onemamon› nono wararo moro yakonokon Opoto Papa poʼchorïkon enenamonme tïweíʼmiainie mandon. Tonesangon pane roten oʼto weíshe weiniokon èkïrïaton tïaʼroro moʼkaron kapuʼwanokome anumïʼmasan ekatakainie. (Acts 15:2) Amumbo yakoro oʼto tïweíshe tïweijïkon poko tïwonumingarïkon èkïrïmaʼpoto iʼyainie, oʼto Opoto Papa Karetarï wïkarï poko tïwòrupïaʼmasan paʼpopo moro paʼme tïweiye mandon, Opoto Papa poriʼchorïʼwa upuʼporï pato eropa. (Acts 15:25) Moro paʼme roropa eromenokon onenamon mandon.

Jehoba moʼkaron aʼkuan ishe tïweʼchopo arotoʼme. Moan ro, kapuʼwa wïtotonome Opoto Papa poriʼchorï nanumïʼmasan, choʼpo tapokurukome oʼto Opoto Papa Karetarï wïkarï amïʼcharï eneaton. Juʼpïa neiara kïwòrupïarïkon emamin tïtose yeijï upusaton, Opoto Papaʼwa wokunamano poko wòturupïotoʼkon èyukurukon eropa. Ekemaʼpa sundaka kïnosepoaton Jehobaʼwa tïwokunamarïkon ta pioʼchorïkon ishepa yeʼchoʼkon enetoʼme tïʼwainie. Jesas rombïʼpopa paʼpopo moʼkaron onenamon weíʼmiasan paʼme roropa, eromenokon nono wararo enenamon wòmepa Jehoba poʼchorïkon woseʼnanopïsanʼwa Opoto Papa Karetarïʼwa òmepatoʼkon aropoaton kareta meroʼpo ta, ijoseʼpa wïtopoʼtonon onenamonʼwa, ijoseʼpa amukon rotenʼwa oʼto tïweíshe tïweijïkon upuʼtoʼme iʼyainie. Ènïkon ro osepaʼme òtïkon ta kïwonumingarïkon enapoan, topatoro joke òtïkon kïnïsan paʼpororo Opoto Papa poʼchorïkon raʼna. (Acts 16:4, 5) Moʼkaron Nono Wararo Jehoba poko Wòrupïatonon Emamin Enenamon morokon wòmepatoʼkon karetarïkon wòkïrïrï enenamonme eropa mandon, einiaʼma eropa moro wòrupïano emamin tonese yeijï poko apokumato mandon, neiʼpiangonïmbo kariʼniakon onenamonme anumïrï eneaton eropa.

Opoto Papa poriʼchorïʼwa tïporïkon paʼme kïneiaton. Moʼkaron Nono Wararo Jehoba poko Wòrupïatonon Emamin Enenamon moʼko ijomboro tïnèkïrïʼpo Yopotorï Jehoba eneaton, Jesus moʼko pioʼchorïkon Yopotorï eropa, oʼto tïweijïkon upuʼtoʼme tïʼwainie. (1 Corinthians 11:3; Ephesians 5:23) Opoto Papa poʼchorïkon yopotorïkonme òtïrïʼpïapai mandon. Moʼkaron amukon roten Opoto Papa poriʼchorï nanumïʼmasan Krais wekenanamon maroro te, ‹ororo moʼko kaparaʼme [Jesus] wekenaton owaro ichorïʼwa.› (Revelation 14:4) Choʼpo moan nono wararo enenamon apokurukome tokatakainie kïwopekatïrïkon ma.

• Noʼkan Jesas rombïʼpopa paʼpopo nono wararo Jehoba poʼchorïkon emamin enenamonme tïweiye nandon?

• Oʼto moʼkaron eromenokon Nono Wararo Jehoba poko Wòrupïatonon Emamin Enenamon neiaton Opoto Papa wïkarï paʼmene tïweʼchoʼkonʼme?