Tá kivi̱ ni̱ si̱ndoyi na̱ ni̱ sika tuun xíʼín Jesús, iin nduʼú loʼo na̱yivi ‘na̱ apóstol ta xi̱ʼín na̱ saʼno kómí kuéntá saʼa̱ na̱ kúú kuéntá Cristo ndúu Jerusalénʼ na̱ yóʼo ni̱ si̱kuu na̱ iin nduʼú na̱yivi na̱ néʼe chúun, na̱yóʼo ni̱ si̱kúú na̱ ni̱ káʼa̱n ndákía̱n kanian kée na̱ congregación ñani yó na ni̱ kási Ndio̱s (Hechos 15:2). Tá ni̱ si̱kee ná iin ña̱ʼa ni̱ si̱nde̱ʼé ná ña̱ káʼa̱n Tu̱ʼun Ndio̱s, ta ni̱ jandukoo ná ña̱ espíritu ii̱ Ndio̱s ná naʼa̱ nuu̱ ná ndákía̱n kée ná (Hechos 15:25). Kivi̱ víti jaá ní kée na̱ Iin nduʼú na̱yivi na̱ Néʼe chúun.

Kachúun Jeová Ndio̱s na̱yóʼo já kée sí ña̱ kúni̱ sí. Ñani táʼan yó na̱ ni̱ kasí Ndio̱s na̱ kúú Iin nduʼú na̱yivi ná Néʼe chúun na̱yóʼo ndiʼi ini ná saʼa̱ ña̱ káʼa̱n Tu̱ʼun Ndio̱s ta jaá ní sini va̱ʼa na̱ ndixi kéyiko na ndiʼi ña̱ʼa ta jaá ní ndiʼi ña̱ kúú kuéntá Ndio̱s. Semana ta semana nátaka na já ndéʼé ná ndákía̱n síniñúʼú ñani táʼan yó na̱ iníí ñuyíví. Tátu̱ʼun ni̱ si̱kee na̱ ni̱ sika tuun xíʼín Jesús, kivi̱ víti jaá ní jánaʼa̱ ná nuu̱ yó ña̱ va̱si nuu̱ Tu̱ʼun Ndio̱s xíʼín carta á xíʼín na̱ kaʼa̱n niʼni congregación, ta jaá ní xíʼín java ka̱ ñani táʼan yó. Kée na ña̱yóʼo xíʼín na̱ ñuu Ndio̱s já néʼe táʼan va̱ʼa ná ta inuu vá nakani ini ná (Hechos 16:4, 5). Tá kúmí na chúun ña̱ kuaʼa̱ ná ña̱ síniñúʼú yó já ná koo va̱ʼa yó xíʼín Ndio̱s, ta jaá ní kée na ña̱ ná kástu̱ʼun chááka̱ yo̱ saʼa̱ Gobierno Ndio̱s nuu̱ na̱yivi, ta jaá ní ka̱si ná ndiʼi na̱ kuaʼa̱ nuu̱ congregación.

Kée ná ña̱ naʼa̱ espíritu ii̱ Ndio̱s nuu̱ ná. Na̱ Iin nduʼú na̱yivi na̱ Néʼe chúun yóʼo kée ná ña̱ kuni Ta káʼnu chááka̱ nuu Ñuyíví yóʼo Jeová Ndio̱s, ta ña̱ kuni ta kúú Xíni̱ congregación, míí Jesús (1 Corintios 11:3; Efesios 5:23). Na̱ Iin nduʼú na̱yivi yóʼo ko̱ó kúú ná na̱ saʼnda chúun nuu̱ na̱ ñuu Ndio̱s. Kée na tátu̱ʼun na̱ java ka̱ ñani táʼan yó na̱ ni kasí Ndio̱s na̱yóʼo “ndíko̱ na̱ sa̱tá na̱ kúú [...] [ndikachi Jesús] kuaʼa̱n na̱ ndeí kúú míí vá noo̱ ná koʼo̱n na̱” (Apocalipsis 14:4). Na̱ Iin nduʼú na̱yivi na̱ Néʼe chúun si̱ʼa ná ndiveʼe káʼnu nuu̱ yó saʼa̱ ña̱ sikataʼvi yó saʼa̱ ná nuu̱ Ndio̱s.

• ¿Ndá yoo ni̱ si̱kuu na̱ iin nduʼú na̱yivi na̱ ni̱ si̱neʼe chúun ta ni̱ si̱ndoyi na̱ ni̱ sika tuun xíʼín Jesús?

• Na̱ Iin nduʼú na̱yivi na̱ Néʼe chúun kivi̱ víti, ¿ndixi kée na̱ ña̱ naʼa̱ Ndio̱s nuu̱ ná?