20-ساباق
بۇگىندە باسقارۋشى كەڭەس قانداي قىزمەت اتقارادى؟
ٴبىرىنشى عاسىرداعى باسقارۋشى كەڭەس
قاۋىم مۇشەلەرى باسقارۋشى كەڭەستىڭ حاتىن وقىپ جاتىر
ٴبىرىنشى عاسىردا «يەرۋساليمدەگى ەلشىلەر مەن اقساقالداردان» تۇراتىن كىشىگىرىم توپ باسقارۋشى كەڭەستى قۇرايتىن. ولار مايلانعان ماسىحشىلەر قاۋىمىنىڭ يگىلىگى ٷشىن ماڭىزدى شەشىمدەر قابىلدايتىن (ەلشىلەردىڭ ىستەرى 15:2). جازبالاردى مۇقيات قاراستىرعاندىقتان جانە قۇداي رۋحىنىڭ باسشىلىعىنا مويىنسۇنعاندىقتان ولار ٴبىراۋىزدان شەشىم قابىلداي الاتىن (ەلشىلەردىڭ ىستەرى 15:25). ٴبىزدىڭ كۇنىمىزدەگى باسقارۋشى كەڭەس تە ٴدال وسىلاي ارەكەت ەتەدى.
قۇداي باسقارۋشى كەڭەستى ٶز ەركىن ورىنداۋ ٷشىن قولدانادى. باسقارۋشى كەڭەستى قۇرايتىن مايلانعان ەر باۋىرلاستار قۇداي سوزىنە مۇقيات دەن قويادى. ولاردىڭ رۋحاني سۇراقتاردى نە باسقا دا ماسەلەلەردى شەشۋدە تاجىريبەلەرى مول. دۇنيەنىڭ ٴتورت بۇرىشىنداعى باۋىرلاستاردىڭ قاجەتتىلىكتەرىن قاراستىرۋ ٷشىن ولار اپتا سايىن باس قوسادى. ٴبىرىنشى عاسىرداعىداي، ولار كيەلى كىتاپقا نەگىزدەلگەن نۇسقاۋلارىن قاۋىمدارعا حات ارقىلى جانە ارالاۋشى باقىلاۋشىلار نە باسقا دا باۋىرلاستار ارقىلى جەتكىزىپ وتىرادى. بۇل قۇداي حالقىنىڭ اۋىزبىرشىلىكتە بولىپ، ٴبىر ادامداي ارەكەت ەتۋىنە سەپتىگىن تيگىزەدى (ەلشىلەردىڭ ىستەرى 16:4، 5). سونداي-اق باسقارۋشى كەڭەس رۋحاني استىڭ دايىندالۋى مەن ەر باۋىرلاستاردىڭ جاۋاپتى قىزمەتكە تاعايىندالۋىن قاداعالايدى جانە پاتشالىق جايلى حاباردىڭ جاريالانۋىنا قوزعاۋ سالادى.
باسقارۋشى كەڭەس قۇدايدىڭ كيەلى رۋحىنىڭ باسشىلىعىنا مويىنسۇنادى. باسقارۋشى كەڭەس ٵردايىم الەمنىڭ ٵمىرشىسى ەحوبانىڭ جانە قاۋىمنىڭ باسى يسانىڭ باسشىلىعىنا جۇگىنەدى (قورىنتتىقتارعا 1-حات 11:3؛ ەفەستىكتەرگە 5:23). ونىڭ مۇشەلەرى وزدەرىن قۇداي حالقىنىڭ باسشىلارى دەپ سانامايدى. ولار بارلىق مايلانعان ماسىحشىلەرمەن بىرگە «توقتى [يسا] قايدا بارماسىن، وعان ەرىپ جۇرەدى» (ايان 14:4). باسقارۋشى كەڭەس ٴبىزدىڭ سولار ٷشىن ايتقان دۇعالارىمىزدى قاتتى باعالايدى.
-
ٴبىرىنشى عاسىردا كىمدەر باسقارۋشى كەڭەستى قۇراعان؟
-
بۇگىندە باسقارۋشى كەڭەس قۇدايدىڭ باسشىلىعىنا قالاي جۇگىنەدى؟