Kristu­sip toqu­nerata kingorna ‘apustilit utoq­qaanertal­lu Jerusalemimiit­tut’ ikit­tun­nguit siulersuisoqatigiit­tut kif­fartor­put, ilagiit kristumiut tanitat sin­ner­lugit pingaarutilin­nik aalajangiisar­lutik. (Apustilit Suliaat 15:2) Al­lak­kat tun­ngavigalugit Guutil­lu anersaavata siulersuineratigut aalajangiiuaan­nar­put. (Apustilit Suliaat 15:25) Ul­lumik­kut­taaq taamatut periaaseqartoqar­poq.

Guutip piumasani naammas­siumal­lugu taakku ator­tarpai. Qatan­ngutit tanitat Siulersui­soqatigiin­ni kif­fartortut Guutip oqaasianik soqutigin­ningaartuupput sulias­sanul­lu aalajangersimasunut anersaak­kul­lu it­tunut tun­ngatil­lugu misilit­tagaqangaar­lutik. Sapaatit-akun­neri tamaasa ataat­simiit­tar­put silarsuaq tamak­ker­lugu qatan­ngutigiis­suit pisariaqartitaan­nik isumagin­nin­niar­lutik. Kristumiut siulliit nalaanni siulersuisoqatigiit pisarnerattut, Biibili tun­ngavigalugu siun­nersuisar­put al­lak­katigut imaluun­niit nak­kutil­liisut angalasartut al­lal­lu aq­qutigalugit. Tamak­ku Guutip in­nut­taasa eq­qarsartaat­simik­kut iliuut­simik­kul­lu ataasius­suseqalis­sutigisar­paat. (Apustilit Suliaat 16:4, 5) Siulersuisoqatigiit anersaak­kut inuus­sutis­sanik piareersaanermik nak­kutil­liisar­put oqaluus­sinermil­lu siuarsaasar­lutik qatan­ngutinil­lu angutinik akisus­saaf­feqarsin­naasunik toq­qaanermik nak­kutil­liisar­lutik.

Guutip anersaavanit siulersor­tittarput. Siulersuisoqatigiit qilammi nunamilu Kisimi Oqartus­saasumut, Jehovamut, ilagiin­nul­lu niaquusumut, Jiisusimut, siun­nersortis­sarsiortar­put. (1 Korinthimiut 11:3; Efesosimiut 5:23) Siulersuisoqatigiin­nut ilaasortat Guutip in­nut­taanik siulersuisutut immin­nut isigin­ngil­lat. Taak­kua kristumiut tanitat al­lat tamaasa peqatigalugit “savaaraq [Jiisusi] sumul­luun­niit aal­laraangat malit­tar­paat”. (Saqqummersitat 14:4) Siulersui­soqatigiit uagut­sin­nit qin­nun­neqartarnertik qujamasuu­tigisar­paat.

• Kristusip toqunerata kingorna kikkut siulersuisoqatigiinnut ilaasortaappat?

• Siulersuisoqatigiit ul­lumikkut Guutimit qanoq siulersortittarpat?