Mu tsikeke tsia ntete, mwa tsimvuka tsia “zintumwa na bakuluntu ba ku Yelusalemi”, tsieri salaka salu tsia tsimvuka tsitatwarisa. Ni bawu beri bongaka nzengolo za mfunu mu bungu dia tsimvuka tsia m’kaka tsia bakristo babashiri mafuta. (Bisalu 15:2) Nzengolo zi beri bongaka babansoni munwa wumoshi beri baka; mu sa bo, Matsonoko beri toko fiongonenaka mpe lutwalusu lwa mpeve ya Nzàmbi beri dingaka. (Bisalu 15:25) Tsimvuka tsitatwarisa mu ntangu ya beto mpe tsifwani nitsio tsilandaka.

Tsimvuka tsiango Nzambi tsiakasarilaka mu lungisa luzolo lwandi. Mpangi zango zabatula mafuta ze mu Tsimvuka tsitatwarisa Zu dia Nzàmbi dia batomono zolo mpe bazebi tomo bonga nzengolo zitatarila salu tsieto na nsambululu yeto. Vukana bavukanaka tumingu twatwansoni mu tarila nsatu za kanda dia Mbangi za Yehova za nza yam’kaka. Ntsiana bumieriyokelaka mu tsikeke tsia ntete, bampangi bango mbo bahanaka malongi mu nzila ya mikanda, ya minkengi midzetaka, peleko mu nzila zakaka. Mbotsisaka ti kanda dia Nzàmbi mu nza yam’kaka diaba na tsiwisa mu mabanza mpe mu nsalulu. (Bisalu 16:4, 5) Tsimvuka tsitatwarisa mbo tsidiatisaka nkubukulu ya madia ma tsimpeve, tsitutsindisaka beto bansoni mu tula salu tsia samuna ha matu, mpe mbo tsitwarisaka mbiekolo za bampangi ba babakala mu biyeko mukatsi dia bimvuka.

Ntwalusulu ya mpeve ya Nzàmbi tsilandaka. Tsimvuka tsitatwarisa Yehova, Mfumu yiyokele mu luyalanganu lwalwansoni, na Yezu, Mfumu ya tsimvuka, bashikirilaka mu kubatwarisa. (1 Bisi-Korente 11:3; Bisi-Efeze 5:23) Bampangi ba tsimvuka tsiango kabatsimonaka’ako ti bawu ni mfumu za kanda dia Nzàmbi. Kâ peleko, hatsimoshi na bakristo bakaka, “mbo batatamanaka mu landa Mwana meme [Yezu] kuma ni kuma kukakwenda.” (Nzabukusu 14:4) Tsimvuka tsitatwarisa mbo tsiyangalalaka ti twabasambirilaka.

• Mu tsiekeke tsia ntete, banani beri mu tsimvuka tsitatwarisa e?

• Mu ntangu ya beto, ntsia mpila Tsimvuka tsitatwarisa tsitombelaka lutwalusu lwa Nzàmbi e?