Lɛ Zizɛ e gaa, mia kpo ɓeĩ lɛ o kɛ “apɔsɔlɔ vɔ ɛ̃ɛ̃ mia diedie-vɔ” ka Zulusalɛɛ, o lɛ o kɛ mia diedie-vɔ kpo ɓeĩa kaa. O lɛ o kɛ lie si pia Kɛlɛi la toapiemia seĩ kaa. (Apɔsɔlɔ 15:2) Ye o seĩ o zo aa wee wɔ̃ do mɔɔ, laa zɔ̃ɔ̃ kelɛ wɔ̃ lɛ a bɛ̃ɛ̃ lɛ Baaboa yia oo toa pie, ɛ̃ɛ̃ Wala la gɛɛ pulua lɛɛ lie si o ka. (Apɔsɔlɔ 15:25) Koo to wɔ̃ kɛkɔ nɔ dooa pie pɛnɛɛ.

Wala lɛɛ kpɔ o yi waa a naa ka wɔ̃ kɛ. Ko leege vɔ lɛ o sii lɛɛ, do lɛ o Mia Diedie-vɔ Kpo Ɓeĩa kaa. Oo lɔkɛ Wala Lewea ka kpokpo ɓo, ɛ̃ɛ̃ gikã lɛ o kɛlɛ e gbɛ̃a zi o bɛi Wala yɛɓo kɛa wa zi lɛ laa mɔ mia o wɔ̃ lɛ a gbɛ̃ɛ̃ lɛ Baabo yi wɔ̃ mɔɔ kɛaa dɔ. Mia o kilia oo pa o kie mɔ lɔ́ɔ seĩ yi kɛɛ o wɔ̃ gee e gbɛ̃a pɛ laa mɔ e gbũ ko leege vɔ mɔ kpoula lɛ seĩ mɔɔ mɔ. Lɛ zi e kɛa kɛɛ Zizɛ aa gaa kaa, oo wɔ̃ kɛzi lɛ e go Baabo yia vɔ kii ka ɛ̃ɛ̃ zeĩ ko lagɛ̃-mia ka. Lɛɛ gbũ Wala mia mɔ kɛɛ wa yɛlɛtaa, e daá wa wɔ̃ kɛkɔ baa é kɛ doo. (Apɔsɔlɔ 16:4, 5) Mia Diedie-vɔ Kpo Ɓeĩa, oo lɛgɛ̃ Wala wɔ̃ mɛdã pɔɔ vɔ pɛkɛɛ la, ɛ̃ɛ̃ waa ko fãawaa kɛɛ ko wɔ̃ laũ yie gee yɛɓoa kɛ. Zeniia, oo lɛgɛ̃ zi lɛ o ko leege vɔ sia o yɛɓo gbɛɛgbɛɛ kɛ nukiela yia la.

Oo to Wala la gɛɛ pulua aa lie si o ka. Mia Diedie-vɔ Kpo Ɓeĩa nyiɛ lɛ Zihova lɛ e Pɛ-seĩ-seĩ-wũla-mi kaa wa Zizɛ lɛ e lie si nukielaa kaa mɔ kɛɛ o zi zɔ̃ɔ̃ o lɛɛ. (1 Kɔleĩtĩa 11:3; Ifísɔ̃ 5:23) Gɔ̃a lɛ o Mia Diedie-vɔ Kpo Ɓeĩa kaa, oó o die gɛ̃ liesimia ka Wala la mia ni la. Mia kpo ɓeĩ e kilia wa Kɛlɛi la toapiemia lɛ o sii lɛɛ, “oo to Ɓaa nyɔnɔɔ pie lɛ nɔɔfe e lo yia mɔ.” (Wɛlɛvelesɔ̃ 14:4) Mia Diedie-vɔ Kpo Ɓeĩ lɛ ò Nukiebaa Lagɛ̃ɛ̃ oo ko zuo ɓo nyɔɔ sɛ̀nɛ lɛ ko ɓo yɛɓo lɛ o kɛ ko wɛ̃ĩa mɔɔ wɔ̃ mɔ.

• Deĩ mia lɛ o kɛ mɔ mia diedie-vɔ kpo ɓeĩa ka lɛ Zizɛ e gaa ka?

• Zi kpɛɛ lɛ Mia Diedie-vɔ Kpo Ɓeĩ o ɓe pɛnɛɛ nyiɛ laá Wala mɔ kɛɛ e zi zɔ̃ɔ̃ o lɛɛ?