A laa na mvôg mvfo ngou’ nkʉo, tsô kwo pʉa: «mégang ntoum Yéeso paa mélhié Yérosalém» zo wô létsiŋé lôg ntségé tchou’té. Ndôgô ngié po zo lôôn ntangté pa’ Mékréeté pé zôô’ lé zuigé pé fʉ’o lôôn ngé ying pou’ou. (Mégang ntoum 15:2) Po lôôn ngouaa gôôn ngié mé gʉo tsô mmo, mvôgô ntsassé Ŋwa’né Ssé, mbing ngnié ngié zuigé Ssé tsiéen wab, ayèe gʉo po pou nkou’ou lé gwiée ta’ ntchwo fʉ’é po né ntangté no. (Mégang ntoum 15:25) Létsiŋé lôg Ntségé Tchou’té ying ngʉo yé pô pou’ou liè’ôôn.

Aa ta’ kwo Mékréeté yié Ssé yousé lé lôg ngʉo lékoung wé. Mékréeté pé zôô’ lé zuigé pié ée tsèe Létsiŋé lôg Ntségé Tchou’té kouŋo Chouŋo Ssé tè’. Po gwiée léghié lé tangté choum sié é lié tchou’té, mboo méno mié é lié chʉo wé zuigé. Po tchou’té ta’a lièe’ na méngab ntsém, ntsaasé méno mié é lié Pakuié Ntang tsaa ngoung ntsém. Ndésém pa’ a laa na mvôg mvfo ngou’ nkʉo la, po tchʉaté na méŋwa’né mboo na méresponsable de circonscription, nnaa wégé méntʉôgô mié é foo tsèe Biible. Ayèe gʉo pʉa Ssé kouaŋa no po ta’ nti, mbing ngouôgô fa’ po ta’ nti. (Mégang ntoum 16:4, 5) Létsiŋé lôg Ntségé Tchou’té tsaasé fa’ lé kuilé choum léjʉo sé zuigé, mboo yé lé tsui nkʉ Ssé. Pô kuingté wég lé gʉa chouŋo no Léfouô Ssé mbwo maagning ntsém. Po zo ying ntsaasé fʉ’é mé né ngée nkui’i tsô méfa’ mbwo méfè pé mbaŋa.

Aa ta’ kwo Mékréeté pié po gnié zuigé Ssé tsiéen wôb. Pʉa pié ée tsèe Létsiŋé lôg Ntségé Tchou’té fa’ pô ngié Jéova, wuié yé zo gwiée lé sa’ njʉo, po Yéeso, wuié a gwiée tchou’té, zo tséen wôb. (1 Korénto 11:3; Éféso 5:23) Pô té kouang ngié poo méfouô mégaŋa fa’ Ssé wô. Paa pétsô Mékréeté pé zôô’ lé zuigé pou «nzsé pô nzém Mouô Njʉnjʉo [Yéeso], nkoung a gʉa po nzôô wô.» (Ngia jʉ’ 14:4) Pʉa Létsiŋé lôg Ntségé Tchou’té gwiée lékag fʉ’ yié pégé suingté Ssé ngié a kuiété wôb.

• Pawôô laa tsèe létsiŋé lôg ntségé tchou’té sé mvôg mvfo ngou’ nkʉo?

• Létsiŋé lôg Ntségé Ntchou’té sé fʉ’ôôn fa’ ngié Ssé tsiéen wab lékô?