PUNTO 20
Jehovahuaj Testigogunara Cuiraj Muntun ¿imara ruranun?
Apostolguna timpui ajllashca muntunguna
Jehovahuaj Testigogunara Cuiraj Muntun partimanda cachashca quillcara leaun
Ñaupa timpui, Jerusalembi Tandarijcunara Cuirajcuna, apostolgunandi tandarij anuca. Paiguna ajllashca muntun ashas, tucui Jesusta catijcunara ali yachachisha, pushaj anuca (Rashcauna [Hechos] 15:2). Imas rurangahua Biblia ima nishcara ricusha, Diospa ispiritullara yanapachu saquisha, imaras ruraj anuca (Rashcauna [Hechos] 15:25). Cunan timpui, tucui Jehovahuaj testigogunara ali yachachisha pushajcuna ajllashca muntun cuinta anun, Jehovahuaj Testigogunara Cuiraj Muntun, shinallara ruranun.
Diosga pai munaira rurangahua paigunara ajllashca. Ispíritu santuhua ajllashca huaquin huauquiunaga Jehovahuaj Testigogunara Cuiraj Muntun tucunun. Paigunaga Diospa Shimira ashcara llaquinun, shinallara ñucanchi organizaciombi ashca huatauna tarbashcamanda ashcara yachanun. Paigunaga intiru mundui tiaj huauquiuna ministishcaunara yachangahua caran semana tandarinun. Apostolguna timpu cuinta, paigunaga Bibliara estudiasha, alira intindisha quillcanun. Cai quillcashcaunara cartagunai cuirasha purij huauquiunahua, shu huauquiunahuas cachanun. Shina rasha tucui huauquiuna intiru mundui Yaya Diosta parijulla sirvingahua yanapanun (Rashcauna [Hechos] 16:4, 5). Astaumbas, Jehovahuaj Testigogunara Cuiraj Muntun Bibliamanda yachachingahua ashca librogunara, revistagunara llucchisha yanapanun. Diospa Shimimanda intiru mundui rimangahua yanapanun. Shinallara ñucanchi organizacionda alira pushasha yanapanun. Astaumbas Tandarijcunara Cuirajcunara, shuj huauquiunaras alira riparasha ajllanuchu ricunun.
Diospa ispíritu yanapaira mascanun. Jehovahuaj Testigogunara Cuiraj Muntun, huauquiunaga Jehová Diospa, Jesuspa yanapaira mascanunmi. Jesusmi tandarijcunara uma cuinta Mandaj an (1 Corintios 11:3; Efesios 5:23). Jehovahuaj Testigogunara Cuiraj Muntunga mana ahuayasha mandanunzhu. Randi shu ajllashca huauquiuna cuinta, chi pushaj huauquiunas Jesusta “catijcunami [anun] pai maita rijpis” (Ricuchina [Apocalipsis] 14:4). Jehovahuaj Testigogunara Cuiraj Muntun bendiciachu nisha Jehová Diosta ñucanchi mañajpiga, paigunaga ashcara pagarachunun.
-
Apostolguna timpui Jesusta catijcunara ¿pigunara pushanuca?
-
Jehová Dios yanapaira charingahua Jehovahuaj Testigogunara Cuiraj Muntunga ¿imara ruranun?
Cai temagunaras leana munanguichari
TAPUIGUNA
Cuerpo Gobernante Jehovahuaj testigogunamanda ¿imara an?
¿Cuerpo Gobernante huauquiuna ñucanchi organizacionmanda apuuna cuinta anun?
