Mumwaanda wakusaanguna kabunga kaniini, “baapostolo abaalu kuJerusalemu” kakabeleka kakali kabunga keendelezya kuti kasale ziyandika kakayiminina mbungano yoonse yamaKristu ananikidwe. (Incito 15:2) Kwiinda mukwambuula atala anzyaamba Magwalo akugwasigwa aMuuya waLeza, bakali kuzwaa muzeezo uumwi. (Incito 15:25) Tutobelezya mukondo ooyu mazuba aano.

Kabunga Keendelezya kabelesegwa aLeza kucita kuyanda kwakwe. Bakwesu bananikidwe babeleka muKabunga Keendelezya balaciyandisyo kuJwi lyaLeza alimwi balaluzibo lwiingi mukulangania ziyandika zyakumuuya. Balabungana mviki amviki kabalanga-langa ziyandikana zyababunyina bamunyika yoonse. Mbuli mumwaanda wakusanguna, malayilile ayeeme muBbaibbele mazuba aano alapegwa kwiinda mumagwalo nikuba balangizi bendeenda azimwi nzila. Eezi zisungwaazya kujatana mumizeezo amuzicito akati kabantu baLeza. (Incito 16:4, 5) Kabunga Keendelezya kalangania bubambe bwacakulya cakumuuya, kagwasizya mumulimu wakukambawuka Bwaami, alimwi akweendelezya kusalwa kwabakwesu mumilimu isiyene-siyene.

KaIazumina kweendelezegwa amuuya waLeza. Kabunga Keendelezya kayanduula kuzulwidwa aJehova Singuzu Zyoonse akuli Silutwe wambungano Jesu. (1 baKorinto 11:3; baEfeso 5: 23) Bali mukabunga aaka teebaami pe akati kabantu baLeza. Kabunga Keendelezya abananike boonse “mbimbabo batobela Mwanambelele koonse nkwaya.” (Ciyubunuzyo 14:4) Kabunga Keendelezya kalalumba nkombyo zyesu.

• Mbaani bakali kubumba kabunga keendelezya mumwaanda wakusanguna?

• Kabunga Keendelezya kayanduula biyeni kuzulidwa aLeza mazuba aano?