Биринчи әсирдә рәһбәрлик кеңәш «Йерусалимдики әлчиләр вә ақсақаллардин» тәркип тапқан еди. Бурадәрләрниң бу кичик топи майланған мәсиһийләр җамаитиниң пайдиси үчүн муһим қарарларни қобул қилатти (Әлчиләр 15:2). Улар йәкдиллиқ билән қарар қобул қилиштин авал, бу тоғрилиқ Язмиларда немә ейтилғанлиғини муһакимә қилип, Худа роһиниң рәһбәрлигигә бенаән иш-һәрикәт қилатти (Әлчиләр 15:25). Бүгүнки күндиму Йәһва гувачилири мошу үлгигә риайә қилиду.

Худа уни өз ирадисини орунлаш үчүн қоллиниду. Рәһбәрлик кеңәштә хизмәт қиливатқан майланған бурадәрләр Худаниң Сөзини интайин қәдирләйду. Уларниң роһий вә башқа мәсилиләрни һәл қилишта тәҗрибиси мол. Улар дуниявий қериндашлиқниң еһтияҗлирини муһакимә қилиш үчүн һәр һәптә җәм болиду. Биринчи әсирдикигә охшаш бу бурадәрләр җамаәтләргә Муқәддәс китапқа асасланған рәһбәрликни хәтләр арқилиқ яки сәйяр назарәтчиләр һәм башқиму бурадәрләр арқилиқ бериду. Мошу түпәйлидин Худа хәлқиниң арисида ой-пикирләрдә вә иш-һәрикәтләрдә бирлик һөкүм сүриду (Әлчиләр 16:4, 5). Рәһбәрлик кеңәш роһий озуқниң тәйярлинишини вә җавапкар бурадәрләрниң тайинлинишини назарәт қилиду, шундақла Падишалиқ тоғрилиқ вәз ейтиш паалийитиниң әмәлгә ешишиға ярдәм қилиду.

У Худа роһиниң рәһбәрлигигә бенаән иш қилиду. Рәһбәрлик кеңәш барлиқ нәрсиләрдә пүткүл аләмниң Һөкүмрани Йәһваға вә җамаәтниң Башчиси Әйсаға беқиниду (Коринтлиқларға 1-хәт 11:3; Әфәсликләргә 5:23). Униң әзалири өзлирини Худа хәлқиниң даһийлири дәп һесаплимайду. Башқа майланған мәсиһийләр билән биллә улар «Қоза [Әйса] нәгә барса, шу яққа маңиду» (Вәһий 14:4). Рәһбәрлик кеңәш бизниң улар үчүн ейтқан дуалиримизни наһайити қәдирләйду.

• Биринчи әсирдики рәһбәрлик кеңәш кимләрдин ибарәт болған?

• Рәһбәрлик кеңәш Худаниң рәһбәрлигини бүгүнки күндә қандақ издәйду?