პირველ საუკუნეს იერუსალიმს ხემანჯღვერე საბჭოშ ჭიჭე ჯგუფი შეთმოდირთუდ მოციქულეფშე დო უხუცესეფშე, ნამუთ ცხებულეფიშ ქრისტიანულ კრებაშ სახელით გინმოჭყვიდუნდ საკითხეფს (საქმეები 15:2). თინეფ ართ აზრიშ რდეს, მუშენდა წმინდა წერილეფშე გენიხილენდეს საკითხის დო ღორონთიშ წმინდა შურიშ ხენჯღვერუას მეჸუნდეს (საქმეები 15:25). ხემანჯღვერე საბჭო ამდღა ხოლო თაშ იქციებუ.

ღორონთი ხემანჯღვერე საბჭოს გიმირინუანს მუშ ნებაშ შეიოსრულებერო. ცხებულ ჯიმალეფი, ნამუთ ხემანჯღვერე საბჭოშ წევრეფი რენა, ტომბას ირკვიენა ღორონთიშ სიტყვას დო დიდ გამოცდილება უღნა, მუჭო გინოჭყვიდან ორგანიზაციულ დო სულიერ გურაფეფს ოხუნ ფერ საკითხეფი. ხემანჯღვერე საბჭოშ წევრეფი ირ მარას იშაყარუნა, ნამდა გენიხილან საკითხეფი, ნამუთ მსოფლიო საჯიმალოს ოხუ. მუჭოთ პირველ საუკუნესინ თეშ, ამდღა ხოლო თინეფი მარზენა ბიბლიაშა გერსხილ მითითებეფს, ნამუსით ბღებულენთ წერილეფით, გილმალ ზედამხედველეფშე ვარდა შხვა ჯიმალეფშე. თენა ხეს უნწყუნს ღორონთიშ ხალხის ართ აზრი უღდას დო ართ შურით აკეთას საქმე (საქმეები 16:4, 5). ხემანჯღვერე საბჭო სულიერ საზრდოშ მომზადებას ხენჯღვერანს; თე საზრდო სამეფოშ საქმეშ წიმიულას უნწყუნს ხეს. თეშ გარდა, ხემანჯღვერე საბჭო შხვადოშხვა საქმეს ავალენს ჯიმალეფს.

ხემანჯღვერე საბჭო ღორონთიშ შურიშ ხენჯღვერუას მეჸუნს. ხემანჯღვერე საბჭო სამყაროშ უზენაეს მართველიშ, იეჰოვაშ დო კრებაშ დუდიშ, იესოშ ხენჯღვერუას მეჸუნს (1 კორინთელები 11:3; ეფესოელები 5:23). ხემანჯღვერე საბჭოშ წევრეფს ღორონთიშ ხალხიშ სულიერ მანჯღვერეთ ვემიორჩქნა დუდი. თინეფ შხვა ცხებულ ქრისტიანეფწკუმა ართო „მეჸუნა კირიბის [იესოს], სოდგა ვედასი“ (გამოცხადება 14:4). ხემანჯღვერე საბჭო მარდიელ რე, მუჟამს ლოცვაშ დროს თინეფს მიფშინუანთ.

• მი რდეს ხემანჯღვერე საბჭოშ წევრეფი პირველ საუკუნეს?

• მუჭო მეჸუნს ამდღა ხემანჯღვერე საბჭო ღორონთიშ ხენჯღვერუას?