Ló xtzú Jesús, toib grupo ni góc «xpiin Jesús né ancianos ni goyoʼ Jerusalén» bidxin góc Tidxo Buñ ni nap xiroʼ Galnann ni Rasanir né xcuentyibu goyoʼ nabexayibu tipnés galnagan ni goyoʼ lad guirá herman ni ñée guibá (Hechos 15:2). Par toibsi mod ñac xpensaryibu, nanoy bisuidyibu la Biblia né biduidyibu lagary que espíritu xtuny Dios nagonés layibu (Hechos 15:25). Tidxo Buñ ni Rasanir ló naareʼ nisló xcudx Jehová, racanalyibu modreʼca.

Nacyibu ni Dios raquiin par gony ni ná. Herman ni guié guibá nacyibu Tidxo Buñ ni nap xiroʼ Galnann nigolú nadxiʼyibu Xtiitz Dios láaca naní xcalrrienyibu par conésyibu né guiduidyibu xcalnan Dios. Guirá xomal radopyibu par guibíyibu xí laani caquiin herman ni noʼ ló guidopynac Gudxlio. Xomod ló xtzú Jesús rasuidyibu stipnés ni sieed ló la Biblia, ronyibu láani órni raxelyibu guiich o raquiinyibu superintendentes viajantes, láaca raquiinyibu stipnés herman. Ndeʼ rony que toibsi rac xpensaryibu (Hechos 16: 4, 5). Xcuentyibu noʼ guiduidybu xcalnan Dios, rony animaryibu guirá herman guiniʼ de Gobierno xtuny Dios. Láaca rabíyibu ximod sée dxiin ni racá herman.

Ronyibu ni ná espíritu xtuny Dios. Tidxo Buñ ni nap xiroʼ Galnann rayopyibu conés, Jehová, ni rony Mandary guibá né guidopynac Gudxlio, né conés Jesús ni rasanir ladno (1 Corintios 11:3; Efesios 5:23). Biinreʼ diti raduidyibu diitz que rony mandaryibu xcudx Dios. Xomod tipnés xhermanno ni guié guibá, «canalyibu Xilieen [Jesús] rotísi sée» (Revelación 14:4). Tidxo buñreʼ nigolú rioladx órni lóono ranabno lóo Jehová gacné layibu.

• ¿Chú layibu góc Tidxo Buñ ni gop xiroʼ Galnann ni Gosanir ló xtzú Jesús?

• Ló xtzúno, ¿ximod Tidxo Buñ ni nap xiroʼ Galnann ni Rasanir rayopyibu conés Jehová layibu?