Bétel, ni hop Lôk Héber, a nkobla le “Ndap Djob.” (Bibôdle 28:17, 19) I jôl li li nkiha lôñni ngim maoñ ma Mbôgi Yéhôva, ma ma yé ntjamak ni nkoñ isi wonsôna, inyu éga ni nit nson u ñañ nlam. Juu li Bakena Ntôñ li ngwel nson i hikuu hikeñi hi yé i nkoñ u Amérika ba nsébél le New York. Nyoo ni nyen ba ñéga nson u nséla i bon ba dikuu ba yé ntjamak ni nkoñ isi. Bilôk bikéé bi bi nligip i gwel nson u, bon ba nyiba kiki lihaa li Bétel. Kiki ndap lihaa, ba niñ ntôñ, ba nsal ntôñ, ba nje ntôñ ikété adna.​—Tjémbi 133:1.

Bétel i yé homa tôbôtôbô bôt ba pégi inyu boñ sômbôl Djob. Hiki bétel i nkoñ isi, bikristen bi bôlôm ni bi bôda bi nti ngéda yap yosô inyu yéñe i Ane Djob. (Matéô 6:33) To wada wap a nkôhna bé nsaa, ndi bobasô ba nkôs homa liyééne ni bijek ni ndég mahôla inyu somb bon ba gwom bi mbéda bo. Hiki wada wap a gwé bôlô i boñ. Kiki lamb bijek inyu lihaa, i bôñgôl bitun ni homa lijél, jôa mambot. Bape ba nsal i pémés bikaat ni bi bôlô bipe.

Bétel i yé homa ba nit nson u ñañ nlam u Ane. Ngôñ i bisu i Bétel i yé le maliga ma Bibel ma nene i mis ma ngandak bôt. I man kaat nunu, a yé héga i bôlô i nséla nyoo. Juu li bakena ntôñ jon li bi éga matila mé. Mbus ngéda, ba ep yo ni njel internet i bahoma ba ngobol ba nloo 100 i nkoñ isi. Ba tégbaha ki yo i kei i mpala pémés bikaat. Ba ep yo i makoda ma nloo 110 000. Ni njel i nyen Bétel i ñunda le i nit maben momasô ma bôlô i nlama ndugi bôña: añal ñañ nlam.​—Markô 13:10.

• Bonjee ba yé bagwelnson i Bétel? Baa ba gwé nsaa?

• umbe nson mahee Bétel i nit?