Ne ghôm Ébraika, Béthèl thoute ge “Dye Si.” (Genèse 28:17, 19, ywe ne thoute sisi) Tso bô be kwaʼ tso tsye a tcheng ne mtsuʼ mye pe Mkwithè Jéova gwim tchum dzu ne ne tchu pou, neng nyapte faʼ ne sing tchoung pepoung a. Te fe a te tsuʼ ne dé faʼ tchum goung demtchaʼ awè, ye a be tchum goung États-Unis (New York) a, Pe Laʼte Jye dé ge faʼ goung mtsuʼ ne dé faʼ tchum mgoung pe tchye pepoung. Goung pô pye wap faʼ tchum mtsuʼ ne dé faʼ a, pou thamte wap ké ge “toundye Béthèl”. Pô Béthèl be kwaʼ paʼ taʼ toundye a; wap bemte tchwe, bemte dzu ywe, bemte faʼ, bemte dagne Bible tchum thamte.​—Psaume 133:1.

Taʼ tsuʼ pepoung ne de pountum faʼ tchum taʼ toundye be a yôm. Tchum baya Béthèl le, pe Mkwithè Jéova, pebè ba pedjwi de goung yap tam awè ne gre ywe ye Si tcheng a, neng gre ge potse Nefo Si ghô dze. (Matio 6:33) Pou te bé mo ne pou pe, daʼge be ha tsuʼ tchwe, be khim wap, neng be kwite wap ne tyèʼ she mnwe map. Bawele be é ghe ywe ye é faʼ a, ke a pe tchum buro, kisim, tsuʼ ne dzu ywe, tsuʼ ne thé mŋwaʼgne, tsuʼ ne nyap mŋwaʼgne, ne sôk tsuʼ ke ba mdze le, ne nyapte potse.

Taʼ tsuʼ ye pou faʼ ne téʼ ne tchu pou ne faʼ ne sing ghôm Si a. Dendze ywe ye baya Béthèl le tcheng ne ghe a, be ne kwite ge mnyenyô tchum Bible ŋwak ne goung mtsuʼ awè bi goung pômneng awè. Kam ŋwaʼgne yenge be taʼ foʼte. Pe Laʼte Jye ne nyapte ge pou té ya, de mesing ne tchya bi medou pô pye wap thoute mŋwaʼgne tchum goung dzu awè a, pou le m mesing mye a be tchum medou Mbéthèl be doʼgne thé mŋwaʼgne a ne thé ya ne mpipa, neng tchya ya tchum mbemte gwya 120 000 te twôk. Ne baya ne mjeng meng le, “toundye Béthèl” bo tchu pou ne ye faʼ tuôdeng ye a si ne goung mfaʼ awè a​—faʼ ne sing tchoung pepoung.​—Markousi 13:10.

• Pô Béthèl be pe we, pou neng bé wap a?

• Baya Béthèl le tchu pou ne ya faʼ tuôdeng?