Snonsnon ”Betel” ro wos ibrani iso ”Rum Allah”. (Kejadian 28:17, 19) Snonsnon ine isrow faro Saksi-Saksi Yahwe moḇ sḇaḇes fa ḇeḇuk akurfasnai ma ḇesaramper fararur ḇaḇeḇaryas ro supswan ḇesiper. Raryur Naek Ḇefarkin sine sfarmyan roro kantor pusat ḇero Negara Ḇar New York, AS, ma smam pyum fararur sifrur ro kantor-kantor cabang ro sup ḇebor na. Snonggaku riḇeso, ḇefarmyan ro moḇ ine sifawi si ḇe kina ḇero Betel. Imnis raris kina oso, sḇarek ro diwa ma sifararur kayam, sinan kayam, ma sḇeoser fa sfarkor Refo ya.​—Mazmur 133:1.

Moḇ ḇepyum kaku faro Kina ḇefararur kayam ma kuker sne ḇesiper. Snonggaku Kristen ḇefararur ro moḇ ine sya sḇuk oras sena ḇesiper fa sifrur rosai Yahwe imarisen na ma sfakapon fandandun ro Karajan ya. (Matius 6:33) Sḇak si ḇa, mboi siya sfasos moḇ fa bisa sḇarek roro ma anan na, ma sismai pipi kermgun fa sikoḇes fandadun sena. Ḇefararur sine sna tugas ḇesisye, ro kantor, ḇekanggun, ḇaido ḇefasos anan ro moḇ na sinan roro ya. Sifararur ro ḇar ḇefrur ma ḇebejilid, ḇaido ḇefararur fa ḇefrur sren moḇ na, ḇepap sansun, ma ḇemam faduru moḇ ani ma eḇesena wer.

Ḇefararur sya simyaren kaku sisaramper fararur Karajan ya. Fandun ro Betel iso, sfasos kakaku ḇero Refo faro snonggaku ḇebor sya. Conto oso yaiso syap ine. Fyor sfas syap ine posa kwar Raryur Naek Ḇefarkin sya smam na resari, syap ine sfarem na ro elektronik ḇe tim penerjemah sya riutin ro supswan ḇesiper, insa secetak na kuker mesin-mesin rarirya nasamberen kaku ro Betel ri ḇeḇeso sepake fa sikfrur syap na, ma sfarem na ḇe sidang ḇesyadi ro 120.000. Kuker nyan ḇemnis rarirya, kina ro Betel sya sisaramper fararur ḇefandun kaku ine—ḇaḇeḇaryas anggangginem ḇeḇye.​—Markus 13:10.

• Mansei ḇefarmfyan ro Allah Rum Ḇyedi, ma rosai sfasos faro si?

• Fararur ḇefandun kaku rosai sifrur ro Betel?