Heburu kan na, betɛli kɔrɔ ko “Ala ka so”. (Jenɛse 28:17, 19) Tɔgɔ don, min bɛ sow jira minnu bɛ sɔrɔ diɲɛ yɔrɔ caman na, ni u kɔnɔnaw na Jehova Seerew bɛ u ka waajulibaara labɛn ani k’a kɔkɔrɔdon. Kabini jɛkulu sigiyɔrɔsoba ni o bɛ Ameriki, Ɲɛmɔgɔ kulu bɛ tɔn bolofaraw ni o ye filialiw ye minnu bɛ sɔrɔ jamana caman kɔnɔ ka baara ɲɛminɛ. Mɔgɔ minnu bɛ baara kɛ o filialiw kɔnɔ olu de ye Betɛli denbaya ye. I n’a fɔ denbaya, Betɛli kɔnɔ mɔgɔw bɛ ɲɛnamaya kɛ ɲɔgɔn kan, u bɛ dumuni kɛ ɲɔgɔn fɛ, ka baara kɛ ɲɔgɔn fɛ ani ka Bibulu kalan kelenya kɔnɔ.—Zaburu 133:1.

Yɔrɔ kɛrɛnkɛrɛnnen don yɛrɛ di bɛ se ka kɛ yɔrɔ min na denbayaba kelen kɔnɔ. Betɛliw bɛɛ kɔnɔ, krecɛn cɛw ni krecɛn musow, bɛ u ka waati bɛɛ di walasa ka Ala sago kɛ ani ka masaya koɲɛw lataa ɲɛ. (Matiyu 6:33) U si saralen tɛ, nka siyɔrɔ ani dumuni bɛ di u bɛɛ ma ani dɛmɛ dɔ bɛ kɛ u ye ka kɛɲɛ ni u yɛrɛbakun ka musakaw ye. Baara dɔ bɛ u bɛɛ bolo, a kɛra bureau kɔnɔ na ye, gabugu kɔnɔ na, dumini kɛyɔrɔ, gafew dilan yɔrɔ, sokɔnɔna labɛnni, finikoyɔrɔ, yɔrɔw dilanni ani fɛn wɛrɛw.

Yɔrɔ don baaraba bɛ kɛ yɔrɔ min na walasa ka waajuli kɔkɔrɔdon. Betɛli bɛɛ kuntilenna fɔlɔ ye ka Bibulu tiɲɛw lase mɔgɔ caman ma. Nin gafe in ye o misali dɔ ye. A sɛbɛnna Ɲɛmɔgɔ kulu ka ɲɛminɛ de kɔnɔ, a bilala ordinatɛri fɛ ka taa di bayɛlɛmalikɛla ekipuw ma diɲɛ bɛɛ kɔnɔ, a sɔrɔ la ka bɔ iko gafew Betɛli machiniw kɔnɔ minnu fanga ka bon kosɛbɛ ni u bɛ wele ko imprimantiw, o kɔ a bɛ bila ka taa jɛkulu 110 000 ni kɔ la. Nin baara ninnu kelen o kelen min nafa ka bon — kibaru duman waajuli kɛli la, Betɛli ka denbaya b’a ka dɛmɛba di o baara ma.—Marka 13:10.

• Jɔni de bɛ baara kɛ Betɛliw la, yala u saralen don wa?

• Betɛli kelen o kelen bɛ baaraba jumɛn de kɔkɔrɔdon?