Un Hebreo nombre el Bethel que quierre decir “Casa del Dios.” (Genesis 28:17,19, NW footnote) Ese nombre justo para llama con el maga edificio del maga Testigo de Jehova na entero mundo donde ta dirigi y ta suporta con el trabajo predicacion. El Cuerpo Gobernante ta sirvi na de entero mundo headquarters alla na New York State, U.S.A. donde ta mira sila con el actividad del cada oficina del maga Testigo de Jehova na diferente nacion. Aquellos quien ta sirvi na este maga edificio conocido como familia Bethel. Igual un familia, junto sila ta queda, ta trabaja, ta comé y ta estudia con el Biblia.—Salmo 133:1.

Un especial lugar este donde el miembro del familia ta sirvi como maga voluntario. Na cada Bethel, tiene maga Cristiano hombre y mujer quien ta dedica diila tiempo para hace con el voluntad del Dios y sirvi para na bien del Reino. (Mateo 6:33) Nuay sila sueldo pero completo el diila maga necesidad. Tiene sila comida, lugar onde queda y allowance para na diila maga personal gasto. Tiene trabajo el cada uno—na oficina, cucina, comedor o na imprenta. Mientras el los demas ta limpia cuarto, ta laba, ta mentena o ta hace otro trabajo.

Un lugar de mucho actividad que ta suporta con el predicacion acerca el Reino. Proposito del cada Bethel que manda sabé el verdad acerca na Biblia na mas mucho gente. Por ejemplo, ya escribi con este brosyur bajo na direccion del Cuerpo Gobernante. Ya imbia con este por medio de computer na manada translation team na entero mundo y ya imprimi usando maga paspas maquina na cuanto maga imprenta del Bethel. Despues, ya imbia con este na mas de 110,000 congregacion. Na cada proceso de ese, el cada miembro del familia Bethel ya suporta gayot con el de con todo importante trabajo, el predicacion de buen noticia.—Marcos 13:10.

• Quien ta sirvi na Bethel y paquemodo ta cuida kanila alla?

• Cosa bien importante trabajo que ta suporta el cada Bethel?