E haala Alyahuudinke Bayti’iila ko firi ko ‘ suudu Allah ’. (Fuɗɗooɗe nden 28:17, 19, ruttorde.) Ko nokkeeli e nder aduna on fow ka Seedeeɓe Yahuwah ɓen kippi fii golle waajotooɓe ɓen. Ɓee Hikkiiɓe ka fewjoore wonuɓe ka yiilirde mawnde Bayti’iila, saare New York, Etas-Ini, ko ton ɓe woni gollude ɓe ayna mojobe kippuɗe fii golle waajotooɓe e leyɗe buy. Ɓee gollooɓe e ɗii nokkeeli no noddaa “ ɓeynguure Bayti’iila ”. Wa ɓeynguure hiɓe wondi, ɓe gollida, ɓe ɲaamida e ɓe janngida Deftere Allah nden e hoore pottal. — Zabuura 133:1, TMN.

Ko nokkuure ka wallindirtee wa ɓeynguure. E nder kala Bayti’iila, worɓe e rewɓe no wakkilii waɗugol faale Allah on e gollugol fii Laamu Allah ngun saa’iji ɗin fow (Matta 6:33). Hay gooto e maɓɓe alaa ka yoɓeede, kono hiɓe wallaa fii ɲaamete, wonunnde maɓɓe e ɓe heɓay kaalisi seeɗa fii no ɓe huntira haajuuji maɓɓe. Mo kala e maɓɓe no mari golle mun. Woɓɓe no ka yiilirde, woɓɓe ka kuri e woɓɓe ka ɲaameetee ton. Woɓɓe kadi, no golla ka muulngo maa ka haɓɓugol defte, woɓɓe ko kippigol suudu ndun, wuppa conci, wattugol ko boni maa waɗugol piiji goo.

Nokkuure wallitiinde fii ka waajagol. Golle aranere ɗen e nder kala Bayti’iila ko wallugol yimɓe no ɓe anndira Allah. Ko fii ɗun ndee deftere ɗoo winndira. Ko ɓee Hikkiiɓe ka fewjoore woni yeeso winndugol ndee deftere e nder ordinateeriiji, ɓe sennditani waylooɓe buy e nder aduna on fow. Ɓe muuli nde e muulngo yaawungo e nokkeeli inneteeɗi muulngo Bayti’iila e ɓe sennditi e mofte ko ɓuri 110 000. E nder sennditugol defte cewɗe, “ ɓeynguure Bayti’iila ” nden no wallitaade fii ɗee golle hittude — waajagol kibaaru moƴƴo on. — Markuusa 13:10.

• Ko homɓe woni gollude Bayti’iila ? Hiɓe yoɓeede ?

• Ko golle honɗe hittuɗe ɓe woni wallitaade ?