Hebulu woo hu, Betɛɛli mukulaa ɓaa “ Yálá ŋɔ Pɛlɛ ”. (Zənɛsə 28:17, 19, TMN.) Lɔi mɛi naa kəlee, kɛɛnaaɠaai Zehova ŋɔ Kəlaɠaa da Yálá lawoo laa həli mɛni hee laa gbanŋa, Betɛɛli laa tii lɔ ɓə da ɉee gɛɛnaaɠaa tii diɛ. Etats-Unis ŋɔ Betɛɛli kaa New York, naa ɓə Zehova ŋɔ Kəlaɠaa Ɲɛi tɔwɔ nua da lɛɛ laa diɛ filiyaliɠaa mɛi kaa. Filiyaliɠaa tii kaa lɔi tamaa hu. Nua da kóló kɛ filiyaliɠaa hu da kɛ diɛ Betɛɛli mu nua. Yɛ pələi lɔ pɛlɛ tɔnɔ mu nua da gɛ la, Betɛɛli mu nua maa mɛni pɛlɛɛi gee ɓa. Da kɔnɔn mɛɛ gee ɓa, diɛ Biblə kalan gee ɓa. Yili kəlee a kɛ yee lɔ gee hu. — Somə 133:1, TMN.

Betɛɛli mu nua kaa yɛ pɛlɛ tɔnɔ mu nua. Betɛɛliɠaa kəlee mu, hinaa da nɛaa di kaa laa, di kəlee di kaa a Zehova ŋɔ Kəlaɠaa. Da di wɔ lowai kəlee həɠə Yálá liiɓa kɛ mɛni ɓa, diɛ Yálá ŋɔ Tɔɔlaa maa mɛni laa mɛni kəlee tɔwɔ (Matie 6:33). Di hwa Betɛɛli mu nua hala. Kɛlɛɛ da di yii pɛlɛ mɛni ɲɛi kulɔ, diɛ di kɔnɔn gɛ, diɛ wali wolo tɛɛ di pɔ di maa mɛni pɛlɛɛɠaa ɲɛi kulɔ mɛni ɓa. Nu tɛi-tɛi ŋɔ kóló kaa ma : daɠaa kaa biloo mu, daɠaa diɛ kɔnɔn ɲili, daɠaa diɛ kɔnɔn ɲaakwɛlɛ, daɠaa diɛ kóló kɛ hɛɓɛ-kpɛtɛ-maɉin ma, daɠaa diɛ həɠə waa, daɠaa diɛ maɉinŋaa kpɛtɛ.

Betɛɛli kaa a kɛɛnaa yii nua da kóló kɛ laa Yálá lawoo laa həli mɛni ɓa. Yii gaa mɛni kəlee tɔwɔ Betɛɛliɠaa mu, ya ɓaa di gɛ pələ kwɛli ma yɛnɛɛ nua kəlee di pɛli Biblə ŋɔ teɲa wooɠaa kɔlɔn ɉii. Ɉɛɓɛi ŋɛi kaa a gɔɔmaa ta. Ɲɛi tɔwɔ nua ɓə bɛɛn mɛni hee gbanŋa, yili pulu di bɛɛn ɔlidinatɛɛli hu di dɛɛ ɉɛɓɛ hu woo pɛɛn nua diɛ yɛnɛɛ naa kəlee. Da kpɛɛ a ɉu woo pɛɛn, maɉin vaŋa kɛnɛɠaa ɓə da gbɛtɛ ma Betɛɛliɠaa mu. Yili a həɠə kea laa, di ɲaakwɛlɛ galangbɔnŋaa di kaa lɔi mɛi naa kəlee diɛ, diɛi di kaa 110 000 da da. Góló tɛi-tɛiɠaa tii kɛi lowai, Betɛɛli mu nua da hwaŋa həɠə diɛ di yee hee Yálá lawoo laa həli kóló mu, yai gaa a kóló yii maa mɛni wala-walaa dɛɛ kóló kəlee ɓa.

• Gbɛɛ nua ɓə da kóló kɛ Betɛɛli mu ? Da di hala ?

• Kóló ləkɛɛ ɓə maa mɛni wala-walaa, yii Betɛɛli mu nua da di yee hee mu ?