ەحوبا كۋاگەرلەرى ۋاعىز ىسىنە جەتەكشىلىك ەتۋ ٷشىن ٵرتۇرلى ەلدەردە ارنايى عيماراتتار تۇرعىزعان.‏ بۇل عيماراتتار ورىندى تۇردە بەتەل دەپ اتالادى،‏ ويتكەنى ەۆرەي تىلىنەن الىنعان بۇل ٴ‌سوز «قۇدايدىڭ ٷيى» دەگەندى بىلدىرەدى (‏مۇسانىڭ 1-‏جازباسى 28:‏17،‏ 19،‏ سىلتەمە)‏.‏ باسقارۋشى كەڭەس اق‌ش-‏تىڭ نيۋ-‏يورك شتاتىندا ورنالاسقان باس باسقارمادا قىزمەت ەتەدى.‏ ولار سول جەردەن ٵرتۇرلى ەلدەگى فيليالداردىڭ قىزمەتىن قاداعالايدى.‏ بەتەل عيماراتتارىندا قىزمەت ەتەتىندەر بەتەل وتباسى رەتىندە بەلگىلى.‏ ولار ٴ‌بىر ٷيدىڭ بالالارىنداي،‏ ٴ‌بىر جەردە تۇرادى،‏ ٴ‌بىر جەردە جۇمىس ىستەپ،‏ تاماقتانادى جانە كيەلى كىتاپتى دا بىرگە وتىرىپ زەرتتەيدى (‏ٴ‌زابۇر 133:‏1‏)‏.‏

بۇل —‏ وتباسى مۇشەلەرى ايانباي ەڭبەك ەتەتىن ەرەكشە جەر.‏ بەتەلدە ومىرلەرىن قۇداي ەركىن ورىنداۋعا ارناعان ەرلەر مەن ايەلدەر پاتشالىقتىڭ مۇددەسى ٷشىن تولىق ۋاقىت قىزمەت ەتەدى (‏ماتاي 6:‏33‏)‏.‏ ولار جالاقى المايدى،‏ ٴ‌بىراق ولارعا تۇراتىن بولمە،‏ ازىق-‏تۇلىك جانە جەكە شىعىندارىن جاباتىن كومەك بەرىلەدى.‏ ٵر بەتەلدىكتىڭ وزىنە تاعايىندالعان قىزمەتى بار.‏ بىرەۋلەرى كەڭسەدە،‏ اسۇيدە،‏ اسحانادا ىستەسە،‏ وزگەلەرى باسپادا،‏ كىتاپ تۇپتەۋ،‏ تازالىق،‏ كىر جۋۋ نە تەحنيكالىق قىزمەت كورسەتۋ بولىمىندە ىستەيدى.‏

ول جەردە ۋاعىز ٸسىن قولداۋ ٷشىن قىزۋ جۇمىس اتقارىلادى.‏ بەتەلدە اتقارىلاتىن قىزمەتتىڭ باستى ماقساتى —‏ كيەلى كىتاپتاعى شىندىقتى مۇمكىندىگىنشە كوپ ادامعا جەتكىزۋ.‏ مىسالى،‏ قولىڭىزداعى كىتاپشا وسى ماقساتپەن باسىپ شىعارىلعان.‏ الدىمەن،‏ بۇل كىتاپشا باسقارۋشى كەڭەستىڭ باسشىلىعىمەن جازىلدى.‏ سوسىن،‏ ونىڭ ەلەكتروندى نۇسقاسى دۇنيەجۇزىندەگى جۇزدەگەن اۋدارما توپتارىنا جىبەرىلدى.‏ اۋدارىلعان ٴ‌ماتىن بەتەلدىڭ بىرنەشە باسپاحاناسىندا جوعارى جىلدامدىقپەن ىستەيتىن قۇرىلعىلاردا باسىپ شىعارىلىپ،‏ 119000 نان اسا قاۋىمعا جەتكىزىلدى.‏ وسى اتالعان ساتىلاردىڭ اربىرىنە اتسالىسۋ ارقىلى بەتەل وتباسى دۇنيەدەگى ەڭ شۇعىل تاپسىرماعا —‏ ىزگى حاباردى ۋاعىزداۋ ىسىنە —‏ زور ۇلەس قوسۋدا (‏مارقا 13:‏10‏)‏.‏

• بەتەلدە كىمدەر قىزمەت ەتەدى جانە ولار نەمەن قامتاماسىز ەتىلەدى؟‏

• بەتەلدە قانداي شۇعىل ىسكە قولداۋ كورسەتىلەدى؟‏