Betele, mu Hebre, ye “Nzo ya Nzambi.” (Mbatukulu 28:17, 19, note) Nkumbu ni yo yidelakane mu zonzela zinzo zitwarishila Mbangi za Yehova salu tia samuna nsangu zambote mu nza yam’kaka mpe bayikilaka tsio ngolo. Tuka biro yayinene ye ku ntsi ya États-Unis (État de New York), Tsimvuka tsitatwarisa tidiatisaka salu tisalamaka mu biro za filiale mu ntsi na ntsi. Bampangi bo basalaka mo zinzo zango mu nza yam’kaka nkumbu kanda dia Betele babataka. Ntsiana nkatika kanda, hatshimoshi babelaka, basarilaka, badilaka, mpe mu bumoshi balongokelaka Bibila.​—Mikunga 133:1.

Mbuka yifwanakane mu tihana ngewansoni ntsiana mu kanda. Ku Betele zazansoni, Mbangi za Yehova, bakento na babakala, hana batihanaka ntangu zazansoni mu sarila luzolo lwa Nzambi na mu kurisa salu tsia Kimfumu. (Matie 6:33) Kakufutwaka muntu ko, babansoni mfulu babahanaka, dikila babadikilaka, mpe mwa lubakusu babahanaka mu bungu dia nsatu zau. Muntu muntu na salu tsiandi, bakaka mu biro, bakaka ku tsikuku, bakaka ku nzo ya dila, bakaka kô ku badukishilaka mikanda, bakaka kô ku bamvukilaka mio, bakaka bakipaka nzo, bakaka basukulaka binkuti, bakaka bayirikaka mashini mô mabebele, na bisalu biakaka bia mpila na mpila.

Mbuka ya yikila salu tsia samuna nsangu za Kimfumu ngolo. Salu tsia nguri ku Betele zazansoni ni tsia zabikisa matsieleka ma Bibila kwe bantu ba makanda mamansoni. Mwa buku diawudi disongele ti nibô wena. Mu lutwalusu lwa Tsimvuka tsitatwarisa diatsonamanà, ha manima batambikà dio mu ndila ya internet kwe mafunda ma bimvuka bia bô babangulaka mikanda mu mazu makaka, mboko dianiemono mu mashini mamanene madukisaka mikanda me mu Betele zazingi, mpe batambikà dio mu bimvuka bia Mbangi za Yehova mafunda nkama na kuni (110 000) make. Mu bisalu bio biabiansoni, kanda dia Betele tsisalu tsio tiyokele mfunu balungisaka: salu tsia samuna n’sangu zambote.​—Marke 13:10.

• Ngâna bô basalaka ku Betele, futu bafutuku e?

• Ntsia salu Betele zazansoni ziyikaka ngolo e?