Bɛtɛ lɛ e Hiibulu tɔ kaa, yi lɛ e kelɛ “Wala la ka.” (Zɛnɛse 28:17, 19, wa kii lɛ e a gã wia, NW) Lɛ tɔ lɛ e kpeĩa ka Zihova la Kela vɔ wa ka ni lɛ o Kpoula lɛ seĩ mɔɔ wɛ̃ĩ. A lɛ mɔ lɛ wɔ̃ laũ yie gee yɛɓoa o lie si a ka yia, ɛ̃ɛ̃ gbumɔ seĩ lɛ ko bɛia mɔ ko sɔlɔɓoa lɛɛ go a lɛ mɔ. Mia Diedie-vɔ Kpo Ɓeĩa oo yɛɓo kɛ Zihova la Kela vɔ wa yɛɓo kɛa wi ka gbuo lɛ e kuii pa sɛlɛ lɛ o si Nii Yɔɔ Sɛlɛɛ, U.S.A. lɛ mɔ. A lɛ mɔ lɛ o yaá yi waa zi lɛ yɛɓo e bɛi looa e lie yɛɓo kɛa-wi-ka ni lɛ o sɛlɛ seĩ yia lɛ mɔɔ zɔ̃ɔ̃. O kɛ̀ mia kpo kaa, mia o yɛɓo kɛ ka e kilia wia, o leege vɔ ka Bɛtɛ. Lɛ leege vɔ lɛ ɓea, o lɛ doo mɔ waa yɛɓo kɛ, e bɛi oo o leɓele, ɛ̃ɛ̃ waa Baabo mɛdã e kie ba.—Zɔ̃ɔ̃ 13:35.

Lɛ lɛ kpeĩ kpokpo lɛ mia kɔpiemia o bɛi o die nɔɔ ó yɛɓo kɛ yia ka. Bɛtɛ ka seĩ wia, gɔ̃a wa loa ni lɛ o Kɛlɛi la toapiemia kaa, oo o die nɔ Wala la wɔ̃ laũ yie gee yɛɓoa lɛɛ teele. (Mafiu 6:33) O do nɔɔfe oó yɛɓo kɛ pɛlee wɛ̃ĩ, kɛɛ yiipia wa leɓele ni pɛkɛɛ lɛ o lɛɛ ɛ̃ɛ̃ oo pɛ Ɓeĩ nɔ o lɛɛ kɛ ó gbũa o die mɔ. Mia seĩ lɛ o Bɛtɛ, yɛɓo lɛ o kɔla deĩ le ó kɛ. Mia do o teɓo mɔ waa yɛɓo kɛ, mia do oo gbɔɔ kpaa. O do bɛ̃ɛ̃, oo yɛɓo kɛ kii pɛkɛpia, ɛ̃ɛ̃ o do bɛ̃ɛ̃ waa kɛi bɛi, to mia do waa yɛɓo kɛ sɔ pɛlɛpia, e bɛi mia do waa o zo kɛ ka nia pie e daá yɛɓo bunuzɛ ba.

Lɛ lɛ mia o yɛɓo kɛ yi teele Tomiala yɛɓo wɛ̃ĩa ka. Wɔ̃ kpokpo lɛ Bɛtɛ seĩ lɛ a wɛ̃ĩa lɛ e wana wɔ̃ lɛ e Baabo yia, kɛ̀ e ɓɔ mia seĩ mɔɔ kaa. Kii lɛɛ be googoo e kea, lɛ a gɔ̃a do ka. Mia Diedie vɔ Kpo Ɓeĩa oo lie si kii e kea bɛ̃ɛ̃ ka. A kɛ kili yia, oo vɔ fãala kii-la-niɛ-mia kpo bunuzɛ pie kpoula lɛ seĩ mɔ. Waa bɛ̃ɛ̃ kii-bɛ̃ɛ̃-pɔɔ ni lɛ o Bɛtɛ bunuzɛɛ mɔ tietie, ɛ̃ɛ̃ waa vɔ nukiela ni lɛ o diee lɛ 119,485 (waa wũ doo la vũ doo wɛlɛ sɛlɛisɛ, wũ yiisɛ la vũ salaka wɛlɛ sɔɔli) laa yi. Wɔ̃ seĩ kɛɛ yia, kɔpiemia lɛ o Bɛtɛ, oo gbumɔ kpanazɛ nɔ tietie yɛɓo lɛ e wɔ̃ laũ yie gee yɛɓo kɛɛ kaa yi.​—Maa 13:10.

• Deĩ mia lɛ o yɛɓo kɛ Bɛtɛ, ɛ̃ɛ̃ gbumɔ kpɛɛ lɛ e yi o wɛ̃ĩ?

• Tietie yɛɓo kpɛɛ lɛ o o kɔ da a kɛɛ yi Bɛtɛ seĩ mɔ?