Bɛtɛlɛ, adu yanga ti ebre, alengbi ya “Da tɛ Nzapa.” (Ebandeli 28:17, 19) Ili niko alengbi nvɛ̃ni na ada mɛ Atɛmwɛ tɛ Yehova akĩ ka ya akɔdɔrɔ ndɛ ndɛ ndɛ ge lɛ sese, kai la ando lɛkɛ kwa ti fangɔ tɛnɛ, ando ba nga semɛ kwa ni ndo dɔ na nɔ̃. Ayata ti Bombi tɛ Adonzi ndo li kwa ka kota biro tɛ Atɛmwɛ tɛ Yehova mɛ ka gbata ti New York, ka États-Unis, kai la ando ba kwa ti abiro mɛ ndɛ zu. Ayata ko ndo li kwa ka biro niko ndɛ ndɛ ndɛ ando ili la zu ya nda sewa ti Bɛtɛlɛ. Ala ndo du ndoni kɔi, ndo tɛ ye ndoni kɔi, ndo manda Ngbangɔ ndoni kɔi.​—Nzembo 133:1.

Lénge ndo kɔi mɛ azi ti nda sewa ni ndo hɛ tɛrɛ la zu na kwa tɛ Nzapa. Ka ya Bɛtɛlɛ kɔi kɔi, akɔli na awe ahɛ tɛrɛ la zu so lingɔ se bɛ Nzapa nga na alo mɛ aba Lo-lengɔ Gbia lá kwɛ́. (Matie 6:33) Ta ndo futa la ma, kanda ndo hɛ la ndo ti langɔ nga na aye ti tɛngɔ, nga na nduru ndo ti tiɔngɔ na sende tɛ la. Zo na zo ka Bɛtɛlɛ na kwa tɛ lo: ngoi mɛ ndɛ ka biro, ka da kuku bere ka da ti tɛngɔ na ye. Ambɛni ka ndo ti singɔ na ambeti bere gberengɔ ambeti, ambɛni ndo lɛkɛ ya da, ndo kpo abɔngɔ, ndo lɛkɛ amasini ndɛ ndɛ ndɛ, nga na akwa ndɛ ndɛ ndɛ.

Kai la ndo li kpengbani ya kwa ti fangɔ tɛnɛ ti Lo-lengɔ Gbia agwe uzu. Nda mɛ ndo zi Bɛtɛlɛ ka ya kɔdɔrɔ kɔi ko, adu uzu ya azi gba ahĩnga bɛta lo ti Ngbangɔ. Nyĩ buku mɛ ti mɔ la adu lɛlo ni, ndo za azi gba ya ala hĩnga bɛta lo. Bombi tɛ Adonzi la ahɛ nyɔ̃ ti sungɔ ni, ato ni na lége ti Internet katɛ abombi angbangbo ndɛ ndɛ ndɛ ya ala gbinyangbi ni na ayanga ndɛ ndɛ ndɛ mɛ ge lɛ gegi zu. Amasini mɛ ndo si na mbeti ma wo ma na pɛ nduru ngoi la asi na ni, ato ni ka ya abombi a ɔ 113 000. Nda sewa ti Bɛtɛlɛ la ndo hɛ ti na akwa niko zu ti ya ko zo kɔi kɔi amá nzɔ̃ pa hiɔ uzu ti wɛngɔ ti alo mɛ na ngoi mɛ.​—Marko 13:10.

• Azi mɛ ndo li kwa ka Bɛtɛlɛ na, ye mɛ ndo li na lo tɛ la nɛ?

• Kwa mɛ ayata ti Bɛtɛlɛ kɔi kɔi ndo hɛ ti la na loni hiɔ hiɔ nɛ?