Aa na chouŋé Héber, Bétèl lôgô ngôôn ngié «Nda Ssé.» (Génèze 28:17, 19, liŋé) Ée koua’ lézing sié a zèté lé lôg ntong ménda mié Pakuié Ntang Jéova lôg ntangté mbing ntoonté fa’ léchouŋo no Ssé. Létsiŋé tchou’té ée États-Unis (Ngoung New York). Létsiŋé lôg Ntségé Tchou’té ping foo taa jʉ’o, ntséen méfa’ tsèe Mébétèl mié ée tsaa méla’ ta ngiôôn. Mé yiŋé ntoŋo Bétèl ngié filial. Mé tong pʉa pié é gouôgô jʉ’o ngié «tsiŋé nda Bétèl.» Ndésém pa’ a tchʉaté tsèe ta’ tsiŋé nda la, Mébétélit tsuié pô ta’a jʉ’, mbou ntchou’té mpfèe mmo, mbing mbou ntchou’té nzi’i Biible tsèe ntémté.—Zôbô ntsé 133:1.

Aa jʉ’ ntchouŋé tchouŋé, ngouô ta’ tsiŋé nda yié gning koung koung na métʉ mé wô. Aa tsèe yèe Bétèl wôô, Pakuié Ntang Jéova, pambaŋa paa panzuiée gʉo lékoung Jéova, mbing ntoonté méfa’ Léfouô Ssé té za’a paa. (Matio 6:33) Mé té péen wôb wô, ta’, mé naa jʉ’ yié pô gé tsuié wo, nnaa mmo yié pô gé pfa, mbing naa méjʉ’ʉ nkab yié ngouô pô yousé nti tso choum sié é né nzaga wôb. Wôôwôô gwiée yé fa’, ngouô yèe fa’ wô buuro, késim, nda yié mé pfèe mmo wo, na mémachʉng lôg nkuilé méliivre, mboo na mémachʉng lôg nnéng méngoub na méliivre. Ngouô a ying ngouô lé sôg mékang, lé sôg ménzsoo, lé néŋé ngnièté choum sié é tchʉngtée . . .

Aa jʉ’ yié mé chʉachʉa ngouôgô wo ndôg ntoonté fa’ léchouŋo no Ssé. Nkuièe nda Mébétèl, ée lé gʉo pa’ pʉa ta ngiôôn gé jou’ou no Ssé ndéng ndéng pa’ yôôn brochuu né ngʉo. Létsiŋé lôg Ntségé Tchou’té zoo la tsiéen paŋwé’é. Po ŋwé’é ta ntchʉé jʉ’, mé toumo tsèe mémachʉng nnaa mbwo pakiagté méŋwa’né tsèe ngoung ntsém. Mé lôg tsô mémachʉng mié ée tsèe tsô Mébétèl mé tong ngié rotative, ndôg nkuilé na pipa, ndéen nké ntoumo tsaa métchou’té mié é tôgô 120 000. Mé zhié lé ŋwé’é ta’ brochuu ta nda’ ngouo kuilé, «tsiŋé nda Bétèl» gouôg méfa’ ta ngiôôn moo. A wo lé toonté fa’ yié a pou ngouô tʉnzuing: létsui nkʉ mboŋo no Léfouô Ssé.—Malékousé 13:10.

• Mébétélit ée pawôô? Mé ping mbéen wôb?

• Méfa’ mié ée tsèe Mébétèl, ée lé lôg ntoonté tso fa’ yié a zèté ngié mé suièté ngouôg. Fa’ ŋwè aa yèe?