Betela zen̈y baka amy volan̈a hebreo. Dikanizio ‘Tran̈ony Zan̈ahary.’ (Genesisy 28:17, 19) Izio mety tsarabe ivolan̈ana tany jiaby mikarakara fitorian̈a ambony tany eto. Baka a New York an̈y Filankevipitantan̈ana man̈aramaso asany birony sampan̈a amy tany jiaby. Betelita na fianakavian̈any Betela ivolan̈ana olo jiaby manompo amy Betela. Iro io mira olo tran̈o araiky. Iro tanàna araiky, miaraka mihina ndreky miaraka mianatra Baiboly.—Salamo 133:1.

Olo jiaby amy Betela ao samy miasa mare aby. Lelahy ndreky man̈angy maro manokanten̈a han̈ano sitrapony Zan̈ahary manompo amy Betela man̈ariva andra. (Matio 6:33) Iro io iantohan̈a tran̈o ndreky hanin̈y, fa iro tsy karamain̈y. Iro fo amian̈a vola hely hividianandro raha sasany ilaindro. Olo jiaby amy Betela ao samy amy raha an̈irahan̈a izy. Sasany miasa amy biro, sasany mandoky, mamafa tran̈o, manasa lamba, mikarakara fandifasan̈a boky.

Raha jiaby atao ao mampandeha asa fitorian̈a. Nan̈anovan̈a Betela io hikarakara raha ilain̈y amy fitorian̈a aminolo jiaby. An̈isanizen̈y boky ty. Filankevipitantan̈ana man̈aramaso fan̈azavan̈a atao aminizity ndreky mandefa izity amy pandika teny amy sampan̈a mandilatra 100, baka io man̈ano izity boky, alefa amy fiangonan̈a mandilatra 110 000. Hampandeha tsarabe fitorian̈a vaovao tsara fo tanjon̈olo jiaby manompo amy Betela.—Marka 13:10.

• Olo karakory ma manompo amy Betela? Karakory fiain̈anandro ao?

• Ino tanjon̈onolo jiaby manompo amy Betela?