Anè ashoung-nè ala’ Hébro, mè ghè Béthel ndôkô ndeuè “Nguia Ndem.” (Genèse 28:17, 19, ghiité yi a atseung-è apap) A kwa’ mbông lézeung tsi mè lôk ntông méji’ mi Ménjheuè-njiô Joovah é tchou’té éwou, ntsang mbing ntôôtè afa’ Lefô a éji’ tseum a nteu ngông. Nnô wô tshiè athouô mvhô é fhô a mia Béthel yi a Amérika a tissông New York, té ntsang-a afa’ mébéthel mi é nteu émô’ méla’. Épouô pi é ghôkô a nteu Béthel é pou ntchou’té ngô atseung-è nguia Béthel. Épouô pi é ghôkô a Béthel é tchou’té mpfèt azou, mbiaknè ashoung-né mbing nzi’nè Biible mé lékak, pa’ ta’ atseung-è nguia la.​—Psaume 133:1.

Nda’ aji’ zi épouô pi é éwou, é ghôk mé nteu wôp ntseum. Anè éwuè Béthel lè, Ménjheuè-njiô pi é pômbang-a ngheu wôngwi é pou ndôk njheu zôp ngheuè ajoumi Ndem a si nkông-ô, a lélôk afa’ Lefô ngueô mé mvhô. (Matthieu 6:33) Mè té gning a nnô pôp pè, mbing nké nguiè wôp aji’ zi pô ghô lii éwou, nguiè wôp étsoo léjheu mbing nzeung nkuitè wôp anè émô’ métsoo mi é si nking-è a mbou pôp. Awôlè a wuè azi afa’ zi a ghôk-é; a ghô ghô a mbiro pa’ a ghô zeung ngô a késsing, kèè a nguia yi mè pfèt étsoo éwou lè, kèè a aji’ zi mè fôkô mékèté éwou lè, kèè a létoung-né nguia nzeung sok ménzhou lè.

A aji’ zi o ghô ghôk éwou ndôk ntswhi ntôôtè afa’ Lefô. Ajoumi a pou ntseukné a nteu éwuè Béthel lè, a si ngô a légheu tè épouô té nzaa é jou’ô anouneu zi a nteu Biible, pa’ mè ghaa njiô poup a nteu môô akèté wouô la. Nnô wô tshiè athouô mvhô mè lé tsang-a afa’ a lélôk ntii akèté jiô. Mè ping ndôkô internèt ntouô akèté jiô mèt a mbou nnô épô mémia pi é sèné; pô té ntôk nkhœu a éji’ tseum a nteu ngông. Mè zeung ndôk mémèssing Béthel fôk a ta’ légheuô tè é pou nzaa, mbing ngakné ntouô a mbou métchou’té mi é té ntôk a 120 000. A pou ngô anè aziè afa’ lè, atseung-è nguia Béthel a tôôté éshheu yi é pou ntseukné té ntôkô ajouô tseum—a lépheuè mbông nkeu Lefô.​—Marc 13:10.

• Pô wô é ghôkô a Béthel? Tè mè ping mbiè wôp-é?

• Mè Béthel ngôkô aziè afa’ zi a tswhi ntseukné?